النهاردة عملت سويسرول روووووعة
الاول ..انا شفت فى المنتدى كذا طريقة
جربت منهم حاجات بس دى كانت أسهل طريقة
وأظبط طريقة
الطرق التانية كان فيها فصل البيض
ودى يمكن تكون صعبة شوية لبعض الناس
ولما جربت الطريقة دى لقيت النتيجه واحدة بس الطريقة دى أسهل كتير
طولـــــت عليكم
المقــــــــــادير
4 بيضات - فانيليا
1 ك سكر بودرة
3/4 ك دقيق- 1/4 ك نشا
ملعقة صغيرة ممسوحة بودر
الطريـــــــقة
زى طريقة الكيكة الاسفنجية
اولا نضرب البيض مع الفانيليا ونضيف السكر
ونضرب جيدا بالمضرب الكهربائى لمدة 1/3 ساعة
حتى نحصل على خليط كريمى ابيض
نترك المضرب ونستعمل ملعقة خشب
ونضيف المقادير الجافة بعد تقليبها مع بعض ونخلها
ونضيفها تدريجيا ملعقة ملعقة
ونقلب بخفة من تحت لفوق
ولو عايزينه بالشيكولاتة
بننقص 3 ملاعق دقيق ونستبدلهم بالكاكاو البودرة
ونصب الخليط فى صينية مستطيلة مدهونة ومبطنة
وتدخل الفرن الساخن لمدة 1/4 ساعة
بعد خروجها من الفرن ..ودى النقطة المهمة
نحضر كيس نايلون ..نفرده ونرش عليه سكر بودرة
ونقلب عليه السويسرول ، ونلفه بالكيس
يعنى يكون الكيس داخل جوه الطبقات ، ونتركه فى التلاجه
يبرد لمدة ساعتين
وبعدين نخرجه من التلاجة ، ونحاول نفرده بحذر
وندهنه كريم شانتيه
ونلفه مرة تانية بدون الكيس
و ممكن نحطه فى التلاجة وعند التقديم
نزينه بصوص الشيكولاتة اللى هأقولكوا عليه
وسهل جدا ورائع
طريــــقة صوص الشيكولاتة
فى الخلاط ..نضع
1/2 كوب لبن
1/2 كوب سكر بودرة
1/2 كوب زيت
2 ملعقة كاكاو كبيرة
وتضرب جيدا فى الخلاط ..وبس
وتصبيها على السويسرول
أو حتى على أى كيكة بيبقى هايل وطعمه رائع
ودى كانت مرة تانية
وده من غير كاكاو
ومتزين بالكريم شانتيه وشيكولاتة فارماسيل
وفراولة
يا رب يعجبكم
وادعوا ربنا يبارك فى اولادى ويوفقهم
الروابط المفضلة