مرحبا ياصبايا اليوم جبتلكم طريقه عمل اصابع زينب الشهيه يامييي مع فنجان قهوه خاصه الصبح ياسلام ما بدي اطول عليكم بالحكي وعطيكم الطريقه ياحلوات بس اعذروني ما صورت الخطوات ما كان معي وقت ان شالله المره الجاي لعملها بصور خطواتها بالتفصيل الممل

أصابع زينب

المقادير :

كوب طحين
3 كوب سميد
2 ملعقة كبيرة سكر
ملعقة خميرة
نص كوب سمن
1 وربع كوب ماء(حسب نوع السميد ببين لمن ينعجن اذا بدو او بكفي ماء)
ربع ملعقة صغيرة ملح

ومطيبات (ينسون وممكن اضيفوا محلب انا هون حطيت بس ينسون )
قطر (شيرة , شربات)

الطريقة:

طبعا اولا بنحضر القطر 2 كوب سكر مع كوب ونصف ماء نتركهم على النار اول ما يغلوا نضع قطرات من عصير الليمون وفانيلا وممكن زعفران ونتركو على النار عشر دقائق فقط وهيك القطر جاهز طبعا نحضروا مسبقا ليبرد

هلا طريقه اصابع زينب

اول شي بنخلط المواد الجافه بعدين نضيف السمنه ونفركها بالمواد الجافه لنحصل على فتات وبعدين بنضيف الماء شوي شوي ونعجن لنحصل على عجينه متماسكه ممكن تشكيلها ونتركها مده نص ساعه لساعه لتختمر , ناخذ قطعة صغير متل الكره ونضغط عليها براحه اليد ونضعها على مصفي ونضغط عليها شوي مع لفها حتى تاخذ شكل ثقوب المصفي نقليهم بزيت الغزير لحتى ياخذو اللون الذهبي وننقلهم على القطر البارد علطول وصحتين وهنا

جربوها كتير طيبه والى اللقاء مع طبق جديد ان شالله

الحمد لله ما حد سبقني سوف آخد الطبق الجميل تسلم الأيادي يا غالية وصفتك حلوة ماشاء الله ربنا يخليكي يارب

ما شاء الله يا بلقيس اصابع زينب بتجنن طالعة
تسلم الايادي

تسلم ايديك
اصابع زينب رووووووعه

اما شاء الله الاصابع روووووووووعه
تسلم الايادي

مشكورة يا عسل على الحلى اللذيذ

شكرا لك

ما شاء الله راااااائعه تسلم ايديك