انا بحب اكلير
اكلير بيحبنى
كراميل جواه شوكولاته
ازاى حطوه ده فيه

فاكرين الاعلان ده يا بنات
من وانا بنت وانا نفسى افتح مصنع كراميل
وكنت متخيله الموضوع محتاجات
مواد معينه وتكنيك معين واجهزه معينه
ومكنتش اعرف ان الموضوع اسهل من السهوله
لكن محتاجه ترمومتر حرارى
وانا لا املك ترمومتر
فأستخدمت اسلوب قديم تابعوا معايا وانتوا تعرفوا

المكونات
1/2 كوب زبده
1و1/2 كوب كورن سيرب (عسل جلوكوز
2 كوب سكر بنى (ممكن سكر عادى لكن حيفرق اللون النهائى لكن الطعم واحد)
1و1/2 كوب ويبنج كريم
فانيليا

الطريقه
اضع الزبده على النار وعليها السكر اخلطهم جيدا مع بعض واضيف العسل
وال1/2 مقدار الكريمه وكل ده على نار متوسطه وبعد 5 دقائق ويكون السكر ذاب
اضيف ال1/2 الاخر من الكريمه
ويكون الترمومتر فى نفس الحله وعندما تصل درجة الحراره الى 240 او 236 (اكثر ليونه)
اضيف الفانيليا واقلب مره
واكون مجهزه ورق زبده فى صينيه او اى قوالب مكعبات زى علب قوالب التلج
وافرغ الكراميله على الورق
ومن غير ما افردها
هى حتفرد نفسها
وبعد ما تبرد اقطعها مربعات صغيره وبالهنا

ملحوظه الموضوع كله على بعضه ما بيخدش 10 دقايق على الناررررررررررررررررررررر او اكثر دقائق قليله حسب النار وحميتها
وبالنسبه للوسيله القديمه اللى استخدمتها وهى كانت
طبق الماء البارد من التلاجه
احضر الطبق بجانبى وهو ملء بالماء البارد
وبعد 7 دقائق اخد قليل من المعلقه واسقطه فى الماء

وعلطول امسك القطرات ده بيدى
وزى ملمسها فى ايدك حيكون قوامها فى فمك بالظبطططططططط
يعنى لو سايحه فى ايدك حيكون ده قوامها بعد ما تبرد

ولو لينه قليلا فى ايدك حتكون ده نتيجتها الاخيره

ولو ناشفه حتكون بتقرقش

طبعا انا خضت التجربه ده 4 مرات

اول مره كانت بالسكر البنى وكان لونها مختلف عن باقى المرات لان الباقى كان بالسكر العادى
وسبب انها فشلت انى مكنتش متقنه التكنيك السريع لطبخها (انا مابرميش حاجه فكتها بشوية ويبنج كريم وحطيتها على كراميله قديمه عندى فى التلاجه
بأستخدمها كصوص

تانى مره
كانت ناشفه منى لان بعد ما وصل ملمسها للليونه المظبوطه سيبتها على النار 5 دقائق اضافيه

ثالث مره ظبطها تمام
وبعد ما طبختها سيبتها هديت3 دقائق بعيد عن النار مع التقليب علشان تبرد
ووضعت طبقه اولى فى قوالب التلج
ووضعت فى النصف قطع شوكولاته صغيره

ووضعت طبقه تانيه من الكراميل

والمره الرابعه وده كانت نتيجه المره الثالثه الرائعه
فى اخر مدة الطبخ اخدت قطع شوكولاته وسيحتها فيها
وهو هو نفس الوقت والطريقه والتكنيك

ملحوظه اخرى
لو الكراميله بعد الطبخ والتبريد كانت ناشفه ممكن افكها بقليل من الويبنج كريم واول ما تدوب اتأكد من ملمسها بطريقة الماء وافرغها مره اخرى على ورق الزبده

ولو الكراميله طريه او لينه بزياده ممكن اعادتها على النار واديها غلوه مع متابعة القوام وارجع وافرغها مره اخرى على ورق الزبده

ملحوظه اخيره بالنسبه لعسل الجلوكوز
كيفية معرفتى بمكان مبيعه
كل واحده فينا بتكون حاليها محلات لتورتات والجاتوهات الجاهزه ممكن يكون محل واحد وممكن يكون 2 انا حواليا 3
سألت فى كل محل فيهم
لما احب اشترى العسل اشتريه منين
فى اللى بيرخم ومابيرضاش يفيد وفى اللى بيرد ويفيد حولوا تعرفوا زى ما انا عرفت

الله عليكي يا برنسيس يا عسل
الله يخليكي لبيتك واولادك
تسلم الايادي يا قمر
عنجد ابداع
بس كيف بتقاومي وما بتاكلي

افكار روعه ...تسلم ايدك

يسلموا ايديك حلوو كتتير
^^

كتبت بواسطة فروحة قلبي

الله عليكي يا برنسيس يا عسل
الله يخليكي لبيتك واولادك
تسلم الايادي يا قمر
عنجد ابداع
بس كيف بتقاومي وما بتاكلي

لألألألألألألألألأ فروح
ده اتعان فى التلاجه فى الدرج السرى بتاعى
وممنوع الاقتراب
كل يوم واحده

ماشاء الله عليك يابرنسيس ابدعتي

ما شاء الله وصفه رائعه جدا
تسلم الايادي

رووووووووووووووووووووووووووووووووووووووعه
ماشاء الله يسلمو عالتجارب ياقمرى

ما شاء الله تبارك الله
بس اشوف اسمك بعرف انه في شي مميز فعلا
الله يا رب يباركلك في وقتك و صحتك و يعطيكي ليرضيكي ياااااااااااااا رب