مسا الخير صبايا
اليوم حابة اورجيكم تطبيقي لكيكة فراشة الربيع
الصراحة اكتر من مرة جربتها وطلعت تحفة
مع اني وبكل جدارة فاشلة بالكيك مع مرتبة الشرف هههههه
عنجد من انا صغيرة وانا اجرب اعمل كيك وما بزبط معي
بس هاي الكيكة للامانة روعة
طبعا الاخت فراشة الربيع نزلت اكتر من طريقة للكيكة الاسفنجية
بس هاي الطريقة بحتوي على الزيت بمكوناتها

هي طريقتها رقم 3
انا حابة اكتبها هون لانها منزلتها بالصفحة التانية مش الاولى

مقادير رقم 1

صفار خمس بيضات
كاسة سكر ناعم
نص كاسة زيت
تلات ارباع الكوب ماء او عصير برتقال
كاستين طحين او اقل انا بضيف كاستين الا ربع
فانيلا
تلات ملاعق ممسوحة بكنج باودر
برش ليمون

بنخلط البيض والسكر والفانيلا لحد ما يفتح لونه
وبعدين بنضيف الماء والزيت والطحين
وعلى فكرة انا حتى الطحين بخفقه بخفاقة البيض عادي ما تخافي

مقادير رقم 2

بياض خمس بيضات
نص كاسة سكر ناعم

لازم تغسلي الخفاقة وتنشفيها منيح
وبعدين تخفقي البياض مع رشة خفيفة ملح
وبعدين حطي السكر
واخر اشي بس ينفش البيض ويصير ابيض حطي عصرة الليمونة

بعدين حطي البياض على 3 دفعات للصفار
وياريت تستخدمي الاسباتولا وتخفقي من فوق لتحت

وانا ضفت الخليط بصينيتين رقم 22
وشويتهم على نار هادية

بس اسفة ما صورت الخطوات
بس للامانة كل اللي داقة فكره جاهز من طراوته

انا حشيته كريم شانتيه واناناس
وشربته من مية الاناناس
وتاني يوم كان طعمها تحفة
بتمنى تطبيقي يعجب فراشة الربيع القمر
ويعجبكم

اسفة التزيين مش مرتب بس اول مرة بخبص وبزين ههههههه

وهاي كنت عاملتها على شوكولاتة
وحاشيتها كريمة ومربى فراولة
وشوكولاته مبشورة على وجه الكيكة

ما تنسوني من دعواتكم

يسلموو ايديكي فروحة تطبيق اكثر من رائع
وبارك الله في فراشة الربيع
والف هنا يارب

ما شاء الله روعة تسلم الايادي
وبارك الله فيك

واديكي جنى حبيبتي
تسلمي

الله يسلمك اختي رازيلا
نورتي موضوعي

مشاء الله كيكات رائعه الله يخليك

ما شاء الله فروحه كل كيكه احلى من الثانيه
تسلم ايديك والف صحه على قلوبكم

النطاحية تسلمي نورتي موضوعي

ام عبود الله يسلمك حبيبتي
نزلتها عشانك وعشان سيسي
ازا بدك تعمليها بعيد ميلاد عبود الله يحميه

ماشاء الله عليكي فروحة مبدعة

يسلموا ايديكي يا عسل

واديكي يا ام سوسو
هاد من زوقك يا قمر

ما شاء الله رااااااااااائعه تسلم ايديك