صباح الخير يا عسولات
اليوم جايبتلكم طريقة الليزي كيك
كتير سهلة وزاكية وبتنفع بالازمات ازا كان بدو ييجي عندك ضيوف
المقادير
ابكيت بسكوت اولكر اطحنيه ناعم وخلي مقدار نص كوب مطحون خشن
فنجان قهوة حليب بودرة
فنجان قهوة جوز هند
فنجانين قهوة سكر ناعم
معلقتين كبار كاكاو او اكتر حسب ما بدك
نص كاسة زيت مع ربع قالب زبدة يعني 50 غرام
علبة قشطة او نص كاسة مي
الطريقة
نضع الزيت والزبدة في طنجرة
وبس تسيح الزبدة بنحط باقي المواد بس بنخلي البسكوت والقشطة على جنب
بس ينخلطو منيح بنبلش نحط البسكوت شوي شوي
وبنخلط بملقعة خشب
وبس تحسي كل المواد نخلطت مع بعض اطفي النار بسرعة
لانه ما بدنا اياه يسخت كتير بس مجرد ينخلطو المواد منيح
بعدين بنبلش نحط القشطة شوي شوي مش مرة وحدة
حتى يصير عندك عجينة متماسكة
ازا ماكان عندك قشطة ضيفي المي مع الزيت والزبدة من الاول
بس للامانة طعم القشطة فيه غيييييييييير ومميز
وبعدين حطي العجينة على قصدير وشكليها على شكل اسطواني
ولفي القصدير عليها وحطيها بالفريزر شي نص ساعة
وقسميها بالطول وغطيها بجوز الهند
وقدميه
شايفين البسكوت الخشن اللي ضفناه كيف مبين فيه
بس ازا بدك تعمليه كرات اطحني كل البسكوت ناعم
وهاي صورة الطبق النهائي
بتمنى الحلو يعجبكم
وما تنسوني من دعواتكم الحلوة
الروابط المفضلة