ღ♥ وصفة مبتكرة ღ♥ الممروس
الف الصلاه والسلام عليك ياحبيب الله محمد
كلللللللللللللللللللللووووووووووووووووووووش
مقدمه غريبه صح
الممروس
احد تقاليد الزواج في الخليج
قبل الزواج باسبوع يتجمع نساء العيله في مزرعة نخيل
فيها يسبحون العروسه
ويسوون الممروس
نشوف كيف
المقادير ( بدون ماقولكم على الكميات لان مانسويه الا بالاعراس وبمقادير كبيره )
تمر منزوع النوى (الصوره من النت وصلت متأخره شوي ومالحقت اصور التمر )
دقيق اسمر محمص ومنخول
زيت ذره
زبده مطبوخه (تذكرونها اللي علمتكم عليها في المحمر)
البهار الخاص بالممروس ( هيل مطحون * قرنفل اللي هو مسمار مطحون * حلوة مطحونه اللي هي اليانسون على ما اظن * مافيها قرفه انتبهوا)
الطريقه
نقلي الطحين او نحمره على النار بدون اضافة شي
نذوب الزبده ونتركها على جنب
نضع التمر بعد نزع نواته وغسله في قدر كبير على النار
يترك على النار مع التحريك بين فترة واخرى حتى يذوب جيدا
لما ينضج التمر ويذوب نضيف الزيت
ونخلطه مع التمر زين
الحين يجي دور اضافة الطحين
في المرحله هذي لازم اكثر من ايد تشارك وتخلط الطحين بالتمر
وأخ ماقولكم على التعب كأنك شايله اثقال
تفيلحت ومسكت المحراك في الحزه هذي وماتركته الا بعد ما تكسرت ايديني
نحط البهار ونحرك
نصب الزبده ونحرك
ونحرك
ونحرك نطفي النار
ونحرك ونقولب بهالطحين والتمر لين ينخلطون زين
لحتى يصير شكله مثل الرمل يتفتت مايعجن باليد (امحق تشبيه)
وبس حركوا لحتى تطيح ايدكم من التعب
لاتنسون العروس خلوها تساعد حتى تذوق التعب قبل العرس
تتجمع كل الحريم والبنات ويشاركون بالممروس
ناس تغني ( ياللي تلتونه بالكم تعجنونه خلوا ممروسها يستوي على هونه
و هذا بيت فلان "ابو العروس" ماتم احد مادله كلوا الممروس النسوان خلوا الصواني فله
و افتح البيبان بو العروس افتح البيبان جاووك النسوان بو العروس افتح البيبان)
وناس تشمر عن ذرعانها وتحرك بالممروس
وبعد مايخلص وبسرعه وهو على النار ناكل منه وهو حار
ونغلف الباقي للمعازيم نوزعه يوم الحنه او بصباحية العرس
وماننسى المعاريس نودي حصتهم للشقه
وهذا احلى صحن ممروس مع فنجال قهوه عربيه لعيونكن
رد مع الاستدلال
اعذروني لغيابي 
*
*
الروابط المفضلة