مسا الخير لاحلى صبايا
اليوم عملت قدرة قادر وحبيت انزلها
لانها طلعت واوووووو
كتير زاكية وعجبت الاولاد كتير
خصوصا انه كل الاطفال بحبه الكريم كراميل
انا عملتها بقالب التوست الطويل
حبيت اغير بس عنجد طلع شكله روعة وكتير سهل للتقسيم
نيجي للمقادير
للامانة انا ماخدتها من زمان من 3 سنين وما بعرف من اي منتدى
بس يمكن نفس طريقة العسل ام مالك
بس انا ولا مرة عملت الكيكة على شوكولاة خليتها بيضا
كاسة شاي سكر للكراميل مع معلقتين ماء
كاستين الا ربع حليب بودرة
كاستين ماء
2بيض
تلات ارباع الكاسة سكر
معلقة كبيرة ممسوحة فانيلا
بنحرق السكر على النار بقلاية صغيرة ومعهم المي
لحد ما يصير لونه على شقار
انتبهي ما ينحرق لانه بصير طعمه مر
وبخلاط المولينكس (الابريق)
بنحط كل المقادير
وبس ينخلطو منيح بنحطهم على السكر بهدوء
على فكرة انا كنت ما احط مي مع السكر
بس لاحظت انه اضافة الماء افضل ليش بتخلي الكراميل متماسك اكتر بعد ما تستوي الكيكة
مقادير الكيكة
2بيض
نص كاسة حليب سائل
نص كاسة زيت
نص كاسة سكر
فانيلا
وكاسة وربع طحين مع معلقة بكنج باودر
طبعا بتحطيهم بنفس الخلاط اللي عملتي فيه
وبتحطي الصينية بصينية اكبر منها فيها ماء ساخن
اسفة كتير انا ما صورت الخطوات لاني ما كنت عارفة اني بدي انزلها
بس انا عارفة انه معظمكم بعرف الطريقة والخطوات
اتعضلو هاي صورة الطبق النهائي
معلش من الجوانب لزقت شوي
وهلأ بنيجي للفطير النابلسي
انا استخدمت عجينة جاهزة اسمها عجينة الياسمين
حشيتها قشطة مكونة من
كاستين حليب
4 ملاعق نشا
4 ملاعق سميد
معلقتين سكر
ومعلقة صغيرة ماء ورد
اول اشي سيحت سمنه وفيكم تستخدمو زبدة
وحطيت بقاع البايركس السمنة وصرت احط بالعجينة وادهنها سمنه
عملت طبقتين من العجينة وبعدين حطيت القشطة
ورديت حطيت كمان طبقتين من العجينة ودهنتها كمام سمنة
وحطيتها بالفرن على نار عادية وقعدت بالفرن نص ساعة
وبعدين حمرت وجهها وحطيت القطر عليها
بس ما كترت كتير
وطلع طعمها خطييييييييييييير والله
وهاي صورة الفطير اول ما طلعته من الفرن وحطيت عليه القطر
بتمنى انهم يكونو عجبوكم
ღ♥ وصفات متميزة ღ♥ كيكة قدرة قادر وفطير نابلسي من مطبخي اتفضلو .......
رد مع الاستدلال
كتبت بواسطة جوتشي
الروابط المفضلة