آآآآآآآه يا بنات .. شفتم اللى حصل لى من كيكة الشيكولاته ..من كتر ما ضربتها .. انقمت منى
من ساعة دخلت المطبخ اعمل كيكة شيكولاته عشان افاجئ بيها زميلاتى فى العمل غدا على الفطار..
جهزت العدة والمقادير وكله تمام ..
نبدأ بقى ...
يا دوب ضربت الزبدة والسكر والمضرب قاللى مش شغال تانى .. قولت الحمد لله اللى فاضل هين
حطيت البيض وضربته بالمضرب اليدوى .. (مش مشكلة لما يطلع لى عضلات )
بامد ايدى اجيب كوب اللبن .. عمل حركة بهلوانية ونط وفط واندلق على الترابزة وغرق المطبخ كله ..
لميت الموضوع بسرعة عشان الكيكة متبوظش وكملتها وحطيتها فى الفرن .. وقاعدة مستنياها بفارغ الصبر .. بس خايفة افتح الفرن تفرقع فيا ..

مش عارفة ليه حاسة ان الكيكة دى بتنتقم منى عشان ضربتها .. تفتكروا؟؟؟؟

وبصراحة انا مش عارفة انا كنت باعمل كيكة ولا باخترع الذرة

معليش حبيبتى خيرها فى غيرها اندلق الشر المهم سلامتك

الحمد لله على كل حال

بس على فكرة طعمها طلع روعة

معليشي حبيبتي بس المهم سلامتك ياغالية

حصل غير يا قمر

بس فين صورتها مش عاوزه تدوقينا ؟؟