الى زينب محمد

**الريانية** · 20-02-2010, 09:48 AM

السلام عليكم
كيف حالك زنوب
هذه صورة لنوع حلويات تذوقتها فى فرح وخاطري اعرف طريقتها

ياريت لو تعرفيها تقوليلي علىيها لان خاطري نتعلمها
انا لقيت بنت جزائرية حطاها فى منتدى بس فى المقدير كاتبة دانون مسوس ومش عارفة معناه ومش عارفة نفس الطريقة عندنا او لا
واسفه على تعبك ولك الف شكر

**ام مرمر و ليلو** · 20-02-2010, 11:00 AM

وعليكم السلام
اختي اظن طلبك للاخت المبدعة زينب
تجديه هنا
شوفيه وانشالله يكون هو
http://www.lakii.com/vb/showthread.php?t=513499

**حبيبة زوجها2009** · 20-02-2010, 12:57 PM

اختى الريانية
ممكن تكون هده الوردة هى نفسها وردة العيد الى نزلتها السنة الماضية وانا عملتها ملونة انتى ممكن اتديريها سادة زى الى فى صورتك وهدها الصورة

وهدا الرابط الوصفة لوحبيتى
http://www.lakii.com/vb/showthread.php?t=592782
وان شاء الله اكون افدتك
وبالتاكيد الاخت زينب ممكن تفديك اكتر منى ماشا ءالله عليها فنانة

**زينب محمد 2** · 20-02-2010, 02:01 PM

الله يبارك فيك حبيبتي ام مريم

ريانية المعروض في الصورة هو حلى الوريدات

سبق و نزلاته الاخت نسرين الجزائرية الله يجزيها خيرا على هذا الرابط

●•°حلى متميز°•● حلوى الوريدات من نسرين الى الغاليات

ممكن تطبقيها بعجينة الكوب يعني

كوب زبدة - كوب زيت - كوب ماء عطر - ملعقة طعام أو ملعقتين بيكنج بودر ( حسب ما تبي هشاشتها ) - دقيق ما يعجن حوالي كيلو.

**الريانية** · 20-02-2010, 02:06 PM

السلام عليكم
شكراً أخوات على الرد وشكرا يام مريم بس هذه الدبلة عندنا وهى تختلف تماماً بس اعتقد الثانية قريبه منها أو هي مش عارفه

بس يا ترى شن معنى دانون مسوس نجد فيه فكثير من الاكلات المغربية والجزائرية

**الريانية** · 20-02-2010, 02:12 PM

الف شكرا زنوب اسفه رديت من غير ما انشوف باقي الرد الف شكر وتسلمي

**حبيبة زوجها2009** · 20-02-2010, 02:13 PM

كتبت بواسطة الريانية

السلام عليكم
شكراً أخوات على الرد وشكرا يام مريم بس هذه الدبلة عندنا وهى تختلف تماماً بس اعتقد الثانية قريبه منها أو هي مش عارفه

بس يا ترى شن معنى دانون مسوس نجد فيه فكثير من الاكلات المغربية والجزائرية

الدانون ياحبيبة هو الزبادى المحلى وليس الزبادى السادة وهو اكتر استعماله فى الحلويات الجزائرية
واكيد زنوبة الحلوة اتكون افادتك ماشاء الله اسلوبها روووعة ديما راقية الحبوبة

**روني الحلوة** · 20-02-2010, 04:41 PM

اختى الريانيه
زي ماقالتك زوبا تقدري اتديريها بعجينه الكوب اللي عطتهالك لاني اني ندير فيها بيها وبعد مانعجنها نحلها ونقطعها بكوب ونقطعها على شكل زائد بدون مانوصل لقلبها ونفصلها وبعدين نحط في قلبها الحشوه اللي نبيها مرات حبات لوز ومرات حبه بندق ومرات زبيب ومرات لوز مزلط ومرحي ومخلط مع عسل ولا زهر و سكر ناعم او فستق وزهر وسكر ناعم ونشكلهم كره ونحطهم في النص يعني الحشوه اللي انت تبيها وبعدين نلف الاطراف بالتتالي على الحشوه باش يشكلوا الورده ونطيبها في الكوشه مع مراعاه انها ماتتحمرش هلبه يعني تقعد شقرا زي اللي مورتيها في الصوره وبعدين نعسلها ومادبيك العسل يكون مخلط بعسل خقاني يعطيها بنه زايده
وان شاء الله تكوني فهمتي طريقه التشكيل
مع العلم انه في معجنات اسمهم فطائر الجورى بنفس الطريقه لو لقيت الرابط ليهم او صوره حنجيبهملك باذن الله باش تفهمي
ويارب نكون ساعدتك حتى شويا
وعلي فكره زي ما قالتلك الحبوبه حبيبه زوجها ان الدانون هوا الزبادي

**روني الحلوة** · 20-02-2010, 05:03 PM

اختى اني لقيتلك الصور

واي استفسار تفضلي
على فكره هنايا في الصوره لافين الاطراف المتقابله اني نلف فيهم بالتتالي وانت ديري اللي يريحك ويمشي معاك ودمتى بود

**ملكةالرومانسيه** · 20-02-2010, 05:21 PM

هذه يا اختى اسمها الوردة سبق ونزلتها الاخت حبيبة زوجها 2009 جربيها حلوة وراقيه ومقادير تمام التمام ربى يرزقها بالذريه الصالحه
http://www.lakii.com/vb/showthread.php?t=592782

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: الى زينب محمد

أدوات الموضوع

العرض