السلام عليكم ورحمة الله وبركاته
أولا
شكرا لكل اتبسط من الصور وأنا اسفة لعدم شرحى ولكن كنت عايزة أعرف الحفلة عجبتكم وألا لا؟؟
أنا بعتذر تانى لذلك هقدم الشرح وبالتفصيل
ثانيا دى السفرة كاملة
وكانت مكونة من:
1- تورتة رئيسية وهى كيكة بيضاء عادية مش اسفنجية بس نفذتها زى طريقة فصل الصفار والبياض وكانت ماشاء الله حلوة ومحشية كريمة وشرائح خوخ
والتزيين الخارجى كريمة وفارمسيل وكريز وخوخ
2-تورتة بالمكسرات وهى كيكتين بالشكولاتة عادية برضه وقسمت كل واحدة طبقتين وحطيت الأربع طبقات فوق بعض وبينهم كريمة وبعدين كسرت بندق خشن وغطيتها كلها وبعدين حطيت شرائح خوخ على شكل مروحة من فوق وهى باينة فى الصورة دى أكتر
3-تشيز كيك بالشكولاتة بس بالكيك ودى كيكة المفروض أنها بتاع التورتة التانية بس للأسف فشلت منى بسبب أنى سبتها فى الفرن ونستها
فعملتها كده فرفرت الكيك وضغط عليه
الطبقة الثانية عبارة عن 4 كيس كريم كرامل+كيس بسكوت شاى مفتت ناعم جدا+1 كوب كريم شانتية باودر+نصف كوب ماء وبس وتوضع فوق الكيك وتترك تبرد فى الثلاجة
الطبقة الأخيرة شكولاته مذابة وتوضع فوق الطبقة الثانية
والتزيين حبوب شكولاتة+ فارمسيل ملون لكسر حدة لون الشكولاتة
4- تشيز كيك بالفراولة ودى نفس طريقة أختنا نو الهدى ربنا يكرمها
5-بف باسترى جاهز وحشيته هوت دوج
6- ميني بيتزا ودى طبعا معروفة للجميع وكانت الحشو صوص انا بعمله +بصل وفلفل وهوت دوج دجاج والجبنة الموزريلا وجبنة رومى
7-عجينة الشو ودى على طريقة أختنا أم شادى بس حشيتهاجبنة كريمة وقطع زيتون وبس
فيه أسئلة انا اتسئلتها بخصوص عدد الناس كانو 35 فرد وكنت عزماهم بنفسي وأنا شايفة ان دى أفضل طريقة وبدأت فى العزم من قبلها بأسبوع
بالنسبة انا بدأت فى التجهيز من ليلة الحفلة والسبب انى كنت محتارة وخايفة بسبب العدد الكبير وفى ليلة الحفلة جهزت جميع الحاجات الحلوة ماعدا التورتة الرئيسية دى عملتها يوم الحفلة الصبح ومن بعدها ماخرجتش من المطبخ
اتمنى الشرح يكون بالتفصيل المطلوب ومايكونش حد زهق منى ولو فيه شئ ناقص ياريت حد ينبهنى
وشكرا ليكم جميعا
رد مع الاستدلال
الروابط المفضلة