وأأأأأأأن الاوان ليظهر الفطير بالعجوه البرنسسى بعد الشتاء المميت والبرد الشديد
انا بكتب الموضوع وايدى متجمدهههههههه
المكونات
1 كيلو دقيق
1/4 كيلو زبده(فى حدود كوب)
كوب زيت ذره
1 كوب ونصف لبن
باكت بكنج بودر
الطريقه
افرك الدقيق مع البكنج بودر بالزبده والزيت
وبعد الفرك جيدا واشباع الدقيق بالزبده والزيت ابدأاضع كوب واحد لبن واعجن جيدا واضيف ال1/2 كوب الاخر شويه شويه ان لزم الامر علشان تكون العجينه مظبوطه معاكوا
وكل ما السوايل تكتر كل ما الفطير يكون ناشف فمش من المصلحه انكم تزودوا اللبن
واخد العجينه افرده واشكلها زى ما انا عايزه
والحشوووووووو
عجوه
قطعة زبده صغيره
قرفه للطعم
قليل من السمسم اختيارى
وكله على النار علشان العجوه تسيح وبس
ممكن تشكيل العجينه زى القطايف
وممكن زى السويسرول
وممكن زى الفطير الجاهز
ادهن الوجه بالبيض وعليه 2 م ك لبن
وارش سمسم
ما تنسوش تدعولى بنيه صادقه
لى ولاولادى بالصلاح والفلاح والتقرب من الله
الروابط المفضلة