اختي زينب اعذريني لاتوجد وسيله اراسلك بها الا هذه حابه اسألك لمذا اختفيتي لقد كتبت لك اكثر من رد فى الموضوع الاول ولكن للأسف اختفيتي ولم تردي وحاولت ان اوضحلك اكثر ماهي السليقه وكل يوم ادخل عسى ان اجد ردكي فأصاب بخيبه امل ؟ ولا اجد شياً ...... وايضا اود ان افهم منك لماذا روابط الوصفات فى رحله رجوعك من العمره الميمونه لاتفتح اتمنى ان تقولي لي متي اجدها بالصور ......لك منى كل الود

أهلا و سهلا أختي

أنا دخولي قليل للمنتدى هذه الايام بسبب انشغالي


بالنسبة للاسئلة انا اجبتك عن الذي اعرفه


و قلت لك اني طرابلسية و لست ملمة بكل الاطباق الليبية في المدن الاخرى

و قلت لك باني لا اعرف السليقة

اعطيتك رابط الجغوم الطرابلسي لعله يكون هو السليقة

و قد سألت لك عنها أهل مصراتة و لكن لا احد من الذين تم سؤالهم يعرفوها

فقد يكون لها اسم اخر عندهم

ممكن تكتبي نداء للبنات الليبيات المصراتيات و تسأليهم

و ان كان يعرفوها حيفيدوك

أو اصبري حتى ترجع جارتك

التي كان من الافضل لو انكم سألتوها عنها عندما تذوقتموها منها

فهي وحدها لديها جواب لسؤالك و جواب لسر النكهة التي تحبثين عنه


بالنسبة للروابط في موضوع العمرة تفتح عادي


صورها ساعيد رفعها عندما يسنح لي الوقت


دمت بخير

بارك الله فيك على ردكي وجعل اهتمامك فى ميزان حسناتك ...

كتبت بواسطة عيون باسمه

بارك الله فيك على ردكي وجعل اهتمامك فى ميزان حسناتك ...

حبيت انوضحلك اختي العزيزه السليقه هيا اكله انديرو فيها فى يوم عاشوراء بس مش هيا البليله الحلوه يلي بالقمح والنشاء والمكسرات حتى هيا بالقمح بس صنف مالح يعني بالقرقوش (القديد ) والطماطم الحكه والحمص والفول وتوزع يوم عاشوراء ويقولولها السليقه نسبه لسلق القمح وتختلف نكهتها وطعمها من حوش لحوش وتتفنن امهاتنا وجداتنا فى صنعها اتمنى ان اكون اوضحتلك قصدي ؟وبالنسبه ليش ماسألتهاش انا لما بعثتها فى نفس اليوم ماكنتش قاعده يعني فى العمل ولما جيت العشيه كانت عند امواليها وبعد هكي سافرت ونبي انقولك على حاجه انا صحيح من درنه بس نعرف هلبه ناس من طرابلس ونتمنى نتعرف عليك بالطريقه يلي انتى تريها مناسبه اذا لم تكوني فى الاصل خارج الجماهيريه ؟ ولك كل تقدير واحترام ..

السلام عليكم

اختى عيون باسمه اظن ان السليقه المصراتيه لاتختلف كتيرا عن الدرناويه الا باضافة الا باضافة الحبق (الريحان) وان شاء الله اكون افدتك يابنت بلدى

اهلا وسهلا بيك عزيزتي نعم درناويه اسعدني دخولك وشكرا لك ولكن الحبق معروف نكهته ان اقصد نوع من التوابل او البهارات ناس قالولي ان من يحط فيها حزمه صغيره جداً كمون اسعد يعني فى وسط الطبخه وهياعلى النار مدام انك من درنه يابنت بلادي ياريت تسألي شي اعزيز تفهم فيها وربي يسعدك ويوفقك فى حياتك يارب

السلام عليكم

اختى نحنا انحطوا فى الكمون الاسعد فيها وانحطوا فى كمون الحوت وانتى شن طريقتى

فيها لانه السليقه فى درنه تختلف من بيت لبيت

و فيك بارك الله حبيبتي

تم الرد عليك في رسالة خاصة

بالنسبه للأخت العزيزه الغاليه بنت بلادي زينب انقولك راهو دخلتي قلبي من غير ما نعرفك جزاك الله الف خير على تقديمك المساعده الوافيه للجميع وعلى نيتك المخلصه بالحق انتى عندك ضمير تعملي بيه بشكل ملفت وياريت منك حتى 2 راهو الدنيا بخير وبالنسبه للأخت الغاليه بنت مدينتي نعم درناويه حبيت انقولك طريقتي عاديه بعد ما نسلق القمح اكويس اندير تقليه من القديد والطماطم والاعشاب والبهارات ولما تطيب نحطها على القمح ونخليهم يعشقوا بعض على قولت الشيف انطوان يعني يعقدوا اكويس وبعد هكي عادي تقدم ... اها عرفتي السر والا لسا ؟؟