اسهل طريقة لعمل الارز باللبن (بالحليب)
السلام عليكم ورحمة الله وبركاته
اليوم جبتلكم بطريقة عمل الارز بالحليب
بالمصرى الرز باللبن
-انا موجودة بالغربة
وكنت حامل ونفسى اكل ارز بلبن اوى
ومكنتش عارفة اعمله
وكل شوية اسمع طريقة من جارتى ومن صديقتى
ولما سألت ماما .ما فهمت
وبعدين سمعت طريقة سهلة جدا وجربتها وكانت النتيجة جميلة
ومن يومها وانا بعمل الارز باللبن بالطريقة دى
عارفة طولت عليكم
يلا معايا
المقادير
ربع كوب ارز مصرى (تقريبا ملعقة كبيرة لكل كوب حليب)
1 لتر لبن (حليب)
سكر حسب الرغبة
الطريقة
اول حاجة لازم تغسلى الارز ثم يصفى
فى الحلة اللى هتعملى فيها نضع الارز ومعه الحليب ويقلب
لسه مش على النار
تسبيه منقوع لمدة ساعتين وكدة يكون نزل النشا اللى فى الارز فى الحليب
يوضع على النار ويقلب باستمرار حتى لا يلتصق وكمان الحليب ما يفور
اول ما تحسى انه بدأ يربط (يثخن) نضع السكر ويقلب جيدا حتى يذوب
ممكن تتذوقيه لمعرفة السكر اذا ما كان مناسب وهو عالعموم لما بيبرد بيسكر شوية
يصب فى الاطباق الصغيرة فورا ويترك ليبرد ثم يوضع بالثلاجة
ممكن اضافة فانيلا حسب رغبتك او ماء ورد
وممكن يوضع للتزيين فوق الوجه الفستق المطحون او بشر جوز الهند او سودانى مطحون او لوز او زبيب
ملحوظة: لا تضيفى السكر الا فى اخر النضج لان اضافة السكر فى الاول تخليه لونه مصفر
رد مع الاستدلال
كتبت بواسطة لبنان وحبايبه
اعذروني لغيابي 
*
*
الروابط المفضلة