ღ♥ وصفة متميزة ღ♥.:*<(كيـكة النستلة بـ كيت كات الكراميل)>*:.
السلام عليكم ورحمة الله وبركاته
كيفكن ^___^...؟
عساكن بخير وعافيه...
إمممم... بما إني تجاوزت المئة مشاركةحبيت إني أسوي كيكة وأشارك فيها معاكن بـ هالقسم،
هي مره بسيطه وسريعه صراحه ومافيها لا كريمة ولا شي... (بس ريحة الكراميل فيها تعـــــذب) هههههه
أتمنى تنال رضاكن...
المقادير:
- بيضتين
- واحد ونص كوب طحين يعني (210) غرام
- ملعقة واحده صغيرة بيكنج باودر
- كوب زبدة لينه ( أو إصبع ونص زبدة صغيره) (150)غرام
- علبة حليب محلى ومكثف
- أربعة ملاعق أكل عصير برتقال طازج... (وإذا حابه تزيدين.. زيدي)...
- ربع كوب سكر
- إثنين كيت كات تشانكي كبير بالكراميل
الطريقة:
-تخلط جميع المكونات (ماعادا الكيت كات)... بالخفاقة سواء اليدويه وإلا الكهربائية
لمدة أربع دقايق تقريباً لين ما يصير الخليط ناعم...
- تصبين خليط الكيك في صحن مدهون بالزبده فقط، وتفتتين الكيت كات وتوزعينه
فوق الخليط...
- الكمية تكفي لصينيتين صغار وإلا صينية وحده كبيرة... (إختياري)
وتدخلينها في الفرن على درجة حرارة (350) لمدة ساعة بالضبط... أو لين
ما توخزينها وتحصلينها تماسكت من الداخل...
وتطلعينها بعد ساعه وتتركينها تبرد على الشبك المعدني... وما تقطعينها وهي
ساخنه عشان ما تتكسر وتتفتت...
-وبعدها انقليها لصحن التقديم... وبالهنا والعافيه عليكم...
رد مع الاستدلال
الروابط المفضلة