✿* حلى متميز*✿البسبوسة بطريقة تقديم جديدة من مطبخى ...
السلام عليكم
اخواتى هده طريقتى المعتمدة فى البسبوسة وتجينى الحمد لله دايما تمام بس انا من وجهة نضرى ان البسبوسة من الحلويات المظلومةخاصتا وانها من الحلويات القديمة من قبل حتى اختراع الكيك بانواعه لكنها دايما تقدم بنفس القالب ومحرومة من الزينة لدلك البسبوسة عندى اقدمها بشكل مختلف شوية
(اعتدر الكومبيتر عندى متلخبط ضيعلى جزء من الصور بعدما نزلتها)
البسبوسة
نبداء بسم الله
المقادير ***
5 بيضات *1 كوب سكر*1كوب زبادى *1 كوب زيت * 1\2 1 كوب سميد ناعم*فانيليا و1 ملعقة بيكنج بودر*كوب دقيق *
لزينة ***
كريم شانتى *3 ملاعق كاكاو *كوب جوز الهند *حبات ملبس فضى
الشربات**
4 اكواب سكر +4 اكواب ماء +نص ليمونة *عسل
بنحضر الشربات عادى نمزج المواد ونتركها تغلى مع اليمونة ربع ساعة نطفى النار ونضيف شوية عسل طبيعى
الطريقة***
نضرب البيض مع السكر تما نضيف بقية المواد ونحرك كويس
نصب الخليط فى طاجين مستطيل
نخبز البسبوسة فى درجة 170 حتى حمر شوية
نطلعها من الفرن نصب عليها وهى سخونة الشربات الباردة
نتركها 2 ساعة حتى تتشرب الشربات كويس
نقطعها دوائر بكوب ماء عادى نقلبها عند التقديم بحيت الطبقة السفلية بتكون لفوق
بيفضل قطع من البسبوسة بعد التقطيع نضعها فى خلاط مع الكاكاو وجوز الهند
نعمل منها اشكال ونضعها فوق كل دائرة من البسبوسة
نزين بنجمة من كريم شانتى ونرش الملبس وشوية فستق مبشور
هاااا شن رايكم
يارب تعجبكم حتى ضيوفى منهم من لايحب البسبوسة لكنه اكلها توقعها كيكة ههههه
وصحة على قلوبكم
رد مع الاستدلال
[
كتبت بواسطة kittygago
الروابط المفضلة