بسم الله الرحمن الرحيم
السلام عليكم ورحمة الله وبركاته
قبل اسبوع شفت وصفة الاخت ام مريم لكيكة البرتقال وبصراحة مقاديرها كتير شجعتني اني اعملها
وفعلا ما كذبتش خبر اول ما خلصت صينية البسبوسة اللي عملتهاااااا قبلها
كانت كيكة الحمضيات بالبرتقال والليمون هي اللي على القائمة
واتفضلو شوفو تطبيقي
نخفق الزبدة اللينة اللي بحرارة الغرفة لحتى تصير متل الكريمة
ولونها يصير فاتح
بعدين نضيف لها السكر بالتدريج
وبعدين عصير البرتقال والليمون
وهلاء دور التلات بيضات اللي نضيفهم برضه بالتدريج
وهلاء بننخل الطحين مع الباكنج باودر ورشة الملح ونحضر اللبن الرايب والحليب ونصير نضيفهم بالتناوب يعني مرة لبن وحليب ومرة طحين
وهلاء خلصنا ونسكبها بالقالب.........ههههههه او بالطنجرة عادي بينفع
وانا سكبت اشوية منهم بقوالب الكب كيك
ودهنت القالب بصراحة زيت مش زبدة....شو حاطين كاسة زبدة كاملة قال يعني على بالي اخففففف دسامة
وبس تطلع نعمل القطر بس انا نسيت اصور هاي الخطو للاسف
ورشيتها بالسكر البودرة
هيك زيادة البياع
وهههههههه وضويت كمان شمعة ههههههه بس اسيل ها المرة كانت معي
شوفو كيف قلبها طري وهش ومتل القطن الواحد بحسها بتدوووووووووب في التم دوووووووب من كتر طراوتها
انا الصراحة اعتمدها واخي الحلونجي اللي مش ممكن ما يعلق على طبخاتي ما استرجاج يطلع فتفوتة عييييييب فيها
ياللا لمين ها الصحن؟
وفي الختام سلالالام
وشكرا الك يا ام مريوووووومة
وربي يجعل عملك بميزان حسناتك
ولكم تحياتي واحتراماتي
الماسة
ام سهام واسيل
✿*تطبيق متميز*✿كيكة الحمضيات ادوخي منها دووووخ للغالية ام مريم العراق
رد مع الاستدلال
[
الروابط المفضلة