حلويات العيد و لو أنها متأخرة اوىىىىىىىىىىى
رابعا بسكوت الاشكال انا اخدت طريقته من موقع مصراوى
هو مكتوب انه بتيفور لكن هو مش طرى بيقرمش شوية يعنى البتيفور و البسكوت
عشان كده سبته بدون ما الزقه بالمربى كنا بناكله كده كأنه بسكوت
المقادير:1.1/2 كوب زبده لينه
1.1/2 كوب سكر ناعم منخول
1 ملعقه صغيرة فانيليا
1 بيضه
رشه ملح
3 اكواب دقيق
1 ملعقه كبيرة بكينج بودر
الطريقه:- تخفق البيض مع الفانيليا. تخلط الزبده مع السكر ثم تضاف اليها البيض المخفوقه ثم الدقيق والملح والبكينج بودر
- تترك العجينه ترتاح لمدة نصف ساعه
- تشكل العجينه باليد او الفورم الخاصه بالبيتى فور
- ترص فى صوانى الفرن متباعده عن بعضها
- وتوضع فى الفرن على درجة حراره 200 درجه مئويه
- تترك لتبرد ثم ترفع من صاج الفرن وتقدم بعد تجميلها
و هنا بقى البراونيز على طريقة الشيف اسامة و عملت بعض التغييرات من عندى بس بصراحة هى رااااااااااااااااائعة
المقادير
1 كوب شكولاته طبخ
6 ملاعق كبيرة زبدة
4 بيضات + ملعقة صغيرة فانيليا
1 و نص كوب سكر (انا استخدمت كوب واحد فقط)
1 و ربع كوب دقيق (انا استخدمت كوب دقيق + معلقتين كبار دقيق + معلقة كبيرة كاكاو خام + معلقة كبيرة نيدو)
2 ملعقة صغيرة بيكينج بودر
رشة ملح
(انا زودت قطع شكولاته chocolate chips)
ممكن اضافة مكسرات مجروشة جوز او لوز
الطريقة
نسيح الشكولاته مع الزبدة فى حمام ماء ساخن
نخفق البيض و الفانيليا
نضيف السكر
نضيف الدقيق و الكاكاو و النيدو و الملح و البيكينج بودر و نخفق
نضيف الشكولاته و الزبدة بعد ما ساحوا و نقلب بمعلقة
نضيف قطع الشكولاته و نقلب الخليط
نصب الخليط فى صينية فرن مرشوشة بالزيت
نضيف بعض قطع الشكلاته على وجه الكيكة
يوضع فى فرن مسخن من قبل على 180 درجو مئوية لمدة ساعة الا ربع
أعذرونى ما قطعتش البراونيز لانى كنت باعتها هدية
أتمنى تجربوها ان شاء الله
الروابط المفضلة