السلام عليكم و رحمة الله و بركاته
دي أول مشاركة ليا في ركن الاطباق ..
يارب الكيكة تعجبكم و تنفذوها هيه فعلا سهله و سريعه
فيها بعض الشبه من كيكة الاخت غاده

اسيبكم مع الوصفة :

المقادير :
1 كوب سكر
1 كوب لبن
1/2 كوب زيت ذره
4 ملاعق كاكاو (لو خام نزود كمان 3 ملاعق سكر)
2 بيضه
فانيلا
1 كوب دقيق
ملعقة كبيرة بيكنج بودر


طريقة العمل :
يوضع السكر و اللبن و الزيت و الكاكاو في الخلاط و يتخلطوا مع بعض جيدا


ناخد 3/4 كوب من الخليط و نتركهم علي جنب


نضيف البيض و الفانيليا علي باقي الخليط في الخلاط و نضربهم كويس حوالي 5 دقائق (نضرب شوية و نستني شوية).

نجهز كوب الدقيق و عليهم ملعقة البيكنج بودر



نصب الخليط علي الدقيق و بمضرب سلك نضربهم مع بعض للحصول علي عجينه متجانسه .

نحضر صينيه مقاسها حوالي 24 و ندهنها سمن و نبطنها بالدقيق (ياريت تكون تيفال) و نصب فيها الخليط (لحد 1/3 او نص الصينية بس).



و دي وحدات صغيرة علشان الكتاكيت ...



في اثناء العمل نكون مسخنين الفرن علي 200 درجة (متوسط ) لمدة 1/4 ساعة

نحص الصواني في الفرن و نستني حوالي 25 ق و نتأكد من السوا

نطلع الصينية و نقلبها مرتين علشان نخلي الوش لفوق زي كده (دول الصغيرين)



نخرم الوش نشوكه او خله اسنان خروم كتير شوية

و نصب عليها من الخليط اللي كنا سيبناه قبل كده (الـ 3/4 كوب قبل ما نحط البيض)

و يكون الشكل كده :



و دي الكبيرة:


ألف هنا و شفا

يارب تعجبكم

تسلم الايادي
كيكة مشهية
بارك الله فيك

كتبت بواسطة ام مريم العراق

تسلم الايادي
كيكة مشهية
بارك الله فيك

شكرا ليكي

مش عارفه ما حدش رد ليه ؟؟ هيه مش عاجبكم ولا ايه ؟

ماشاءالله عليكي حبيبتي
هاي اول مره واكيده مو آخر مره

كيكه روووعه تسلملي ايديكي الحلوين

تسلم ايدك صحة وعافية

تسلم ايدك حبيبتى

تسلم الايادى ..شكلها طيبه

تعزيز
درة العقد
بنت طرابلس
و ام المجد الغالية

شكرا علي الردود

تسلم إيدك يا جميل
شكلها تحفة و سهلة كمان
بالعافية على قلبكم
بس هو حضرتك مش عاملة رجيم برضه
و لا ده كان في اليوم الفري
أصل أنا كمان عاملة رجيم و بصراحة بتلكك
لو إنتي بوظتي هقول إشمعنى وأنا مالي ماهي ليدي بوظت ههههههههه
بالهنا و الشفا يا قمر

تسلم الايادى