السلام عليكم ورحمة الله وبركاته

اليوم بأقدم لكم طريقة جديدة لعمل البطاطا الحلوة

عندنا فى مصر عادة بنشوى البطاطا فى الفرن
وبتكون معسلة وطعمها جميل بتتآكل كده بدون أى إضافات

هنا بقى البطاطا مش دايما بتكون معسلة
أو فى الأغلب مش بتكون معسلة

علشان كده لازم نتصرف ونعسلها علشان
يكون فيه فرق بينها وبين البطاطس هههه

نبدأ بسم الله

المقادير
عدد 5 وحدات بطاطا
1/4 م ص ملح
1/4 ك زبدة
2 بيضة
رشة فانيليا
1/2 ك سكر أبيض
1/2 ك قرفة ( او حسب الرغبة)
2 معلقة لبن ( كامل أو خالى الدسم حسب الرغبة)

للوجه
3 م ك دقيق
1/4 ك زبده طرية
3/4 ك سكر بنى
1/4 ك عين جمل ( أو أى مكسرات )

الطريقة

فى البداية نحمى الفرن ونضع به قطع البطاطا ونشقها من النصف حتى تستوى وممكن تقشرى البطاطا وتسلقيها أو تسلقيها بقشرها وبعدين هنقشرها أى طريقة مش مهم كله بيدى نفس الطعم

نتركها تبرد ونقشرها ونهرسها كويس

ثم نضيف عليها باقى المكونات
البيض- الفانيليا- القرفة - الزبدة- واللبن وطبعا السكر

ثم نخلطهم جيدا ممكن بالمضرب الكهربائى بتاع الكيك
او بالشوكة ونضعها فى صينية بايركس أو فخار مثلا للفرن

الأبيض ده قطع من الزبدة
على فكرة ممكن نضيف مكسرات مع الخليط أو زبيب أو جوز هند
اللى تحبيه وكله حسب زوقك

فى إناء آخر نقوم بخلط الزبدة والسكر البنى و الجوز والدقيق ونخلط كويس لغاية أما نعمل عجينة

ثم نوزع الخليط ده على وجه خليط البطاطا

ندخلها فرن متوسط الحرارة مسخن سابقا لمدة تقريبا 30 دقيقة
أو حتى يتلون الخليط اللى على الوجه باللون البنى و يصبح كريسبى مقرمش يعنى

وتقدم وبالهنا والشفا
أنا هنا قدمتها مع الفواكة المجففة

مع الزبيب والتوت الأحمر المجفف ( زى الزبيب بس مر شوية )

أتمنى تكون حازت رضاكم واللى تجربها تقول لى

أدعوا لى بصلاح الأحوال

جزاك الله كل خير

روعة ان شاءالله ناوية اعملها قريب تسلم الايادي

كتبت بواسطة mrioma

جزاك الله كل خير

تسلمى يا قمر ... جربيها لو بتحبوا البطاطا ... البطاطا هنا موش حلوة زى فى بلادنا

كتبت بواسطة حنان(البحرين)

سلمت يا مشرفتنا الغالية من كل سوء أسعدنى مرورك العطر

كتبت بواسطة بحيرة البجع

روعة ان شاءالله ناوية اعملها قريب تسلم الايادي

وأنا فى إنتظار تطبيقك يا قمر .... شكرا على التشجيع

ما شاء الله .. لا قوة إلا بالله
ما شاء الله عليكي يا حبيبة قلبي
صينية بطاطا طريقتها جديدة و روعة و تفتح النفس و مناسبة جدا للطقس البارد
تسلم إيديكي و يعطيكي العافية
و بألف هنا و عافية يا رب

جزاك الله خير

تسلمي يا ام حسن
صينية تنفع في البرد اللي أحنا فيه
تسلمي يا غالية
كل سنة وانتي طيبة يا حبيبتي

الله يعطيك العافيه