عيدكم مبارك يارب
وحشتونى كتير لكن مش قادره على فراقكم
ملحوظة : انتظرو على تحميل الصور قليلا
معايا كب كيك فى جعبتى ولكن حلو كتيييييير
كب كيك الشوكولاته بالكريمة و الكيوى وصوص الشوكولا
ندخل على المقادير
3 بيضات .
شعره فانيليا.
كوب وربع دقيق حلويات .
ملعقه كبيره بيكنج بودر.
5 ملاعق كاكاو خام .
كوب سكر.
5 ملاعق حليب بوده ( وهو ده المكون الأساسى للكيك)
كوب زيت نباتى .
كوب ماء.
للتزيين :
كريم شانتيه مخفوق .
كيوى شرائح.
الطريقه :
نضرب كل السوائل الماء و الزيت وعليهم الكاكاو والسكر واللبن البودره جيدا فى الخلاط .
ونأخذ حوالى نصف كوب من الخليط السابق ونزيد على الخليط اللى بالخلاط البيض والفانيليا .
ونضربه تانى وننزل الخليط على الدقيق بعد ان ننخله عشان الهوا يتداخل والبيكنج بودر وبالمضرب السلك نقلب الكيك جيدا حتى يتقل ونشوفه بينزل من المضرب بتقل .
نحضر قالب الكب كيك ونبطنه بورق الزبده انا هنا حطيت ورقتين عشان ما يتلسعش فى الفرن
نسخن الفرن على 180 درجه وندخل الكيك وننتظر على الأقل مرور نصف ساعه ونشوف كده ايه الأخبار.
ويبرد نقطع القطعه نصفين
نحشيه كريم شانتية من الناحيتين و نقفلها تانى
ونحط عليها صوص الشوكولا
ونزينها بقطعه كريمه و نلزق عليه الكيوى و نقدمه
اتمنى تكون عجبتكوا
وعيدكم مبارك
الروابط المفضلة