السلام عليكم ورحمة اللة دايما اى واحدة مش شاطرة اوى فى المطبخ زى حالاتى كدة بتخاف اوى من خوض تجربة الكيكة الاسفنجية ولكن الحمد للة بعد محاولات عدة بقت هيا اسهل حاجة بعملها وكانت اكتر حاجة بتخوفنى هيا خلط الدقيق مع البيض بالمعلقة ودايما يقولو اخلطى براحة عشان الهوا ميطلعش منها المهم اقولكم حليت المشكلة دى ازاى معلش اتكلمت كتييييير بس يللا نبدأ المقادير 5بيضات -3/4 كوب سكر -1/2 م ص فانيليا -1و1/2كوب دقيق -م ك بودر الطريقة 1-نسخن الفرن على 180 درجة مئوية 2- ندهن صنية فرن بالزبدة و الدقيق 3-نخفق البيض لمدة دقيقتين ثم نضيف السكر والفانيليا ونستمر بالخفق بالمضرب الكهربى لمدة حوالى عشر دقايق لما تلاقى الخليط نفش وبقى ابيض اللون 4 - ننخل الدقيق والبودر مع بعض ونضيفهم لخليط البيض والمضرب شغاال ومتستغربوش انا جربتها وطلعت ناجحة جدا واول منلاقى الخليط امتزج جيدا نوقف المضرب ونحط الخليط فى الصينية ونسوية بالمعلقة وندخلة الفرن لمدة 35 دقيقة يا رب اكون افدتكم والمقادير دى طريقة الشيف اسامة السيد وبزينها بالكريمة وبتكون لذيذة انا مصوراها بس مبعرفش انزل الصور هتعلم وانزلها ان شاء اللة وكل عام وانتم بخير

مشكورة حبيبتي والله يعطيكي العافية وكل شي بأوله صعب بس لازم الانسان يجرب ويغامر وكل عام وانت بألف خير.....

هل أضفتي الدقيقة كله مرة واحدة
وللا حبة حبة
وسرعة المضرب هل كانت سريعة ولا بطيئة
وهل انت تقصدي انك ما وقفتيش المضرب خالص بعد خفق البيض مع السكر
وشكرا

مومهم كيفية التحضير المهم انها نجحت معاكي وفرحتي بيها
وبالف عافيه عليكم يا قمر

تسلم الايادي

كتبت بواسطة roza1

هل أضفتي الدقيقة كله مرة واحدة
وللا حبة حبة
وسرعة المضرب هل كانت سريعة ولا بطيئة
وهل انت تقصدي انك ما وقفتيش المضرب خالص بعد خفق البيض مع السكر
وشكرا

اهلا بك اخت اضيفى الدقيق بالتدريج اسفة لانى لم اوضح هذة النقطة- سرعة المضرب عند اضافة الدقيق تكون بطيئة اى على السرة الاولى -نعم لما تلاقى البيض اصبح ابيض اللون تضيفى الدقق والمضرب او العجانة شغالة وشكرا على دخولك لموضوعى

مشكورين عالرد وكل عام وانتم بخير

تسلم اديك حبيبتي
ولو عاوزة طريقة تنزيل الصور
شوفي هذا الرابط راح يفيدك

http://www.lakii.com/vb/showthread.php?t=564875

مبروك أختي
عقبالي..
أنا كمان نفسي أعملها عملتها مرتين بس زمان وعاوزة اجرب اعملهم ثاني