✿* حلى متميز*✿القرصه او (اللقمه الصفرا ) وطبقى الخامس الشتوى اتفضلوا
نواعم صباحكم ريحان وياسمين
طبقى الشتوى انهارده ملهوش علاقه بالقنابل والحمدلله
خفيف ولذيذ وشتوى بحت
ويا سلام عليه مع كوب شاى بعد العصر
له اسمين القرصه او اللقمه الصفرا
المكونات
2 ونص دقيق
1 وربع زيت وسمنه منصصين
1/8 تحويجه
اقل من ال1/8 مغات
1/8 كيلو سمسم
جوز هند
3/4 كيلو سكر
1/2 كيلو عسل
الطريقه
يوضع الدقيق على التحويجه على المغات على السكر على السمسم المحمص
ويختلطوا مع بعض
واقدح الزيت والسمنه على بعض الى الغليان
وانزل بيهم على الخليط السابق
واقلبهم بالملعقه جيدا بيدى
ويوضع العسل فى الاخر و تفركى
العجينه
هى حتكون زى البودره
يعنى مش متماسكه بالظبط شبه الدقيق لما بيتفرك بالزبده لعمل التارت متهيألى قربت الصوره شويه
واحضر الصوانى مدهونه زيت وافرد فيها الخليط وكل ما كان الخليط سمكه رقيق كان الافضل
لكن علشان يتماسك لازم تبسيه كويس وارش على الوجه جوز هند
او مكسرات او من غير انت وراحتك
واقطعه مربعات
ويخبز فى فرن حامى دقايق قليله لانه مابيخدش وقت فى الفرن
ويحفظ فى علبه محكمه الاغلاق
رد مع الاستدلال
[
كتبت بواسطة noorelhoda
الروابط المفضلة