تطبيقي لبسكويت الغالية امولة ما أروعه ماشاء الله بيدوب بالفم
السلام عليكم ورحمة الله وبركاته
انا اليوم جبتلكم تطبيقي للغالية امولة
والله كانت اول مرة اعمله بس
ماشاء الله والله روووووووووووووووووووووعة
ومظبوطة المقادير ماشاء الله
تسلم ايديكي حبيبة قلبي والله
ربنا يارب يبارك فيكي ويجازيكي كل خير يارب
الكلام والله مايقدر يوصف طعمه وجماله وحلاوته
معلش طولت عليكم بس حبيت اقولكم واوصفلكم جماله
وده الرابط بتاع امولة
تعالو نشوف انا عملته ازاي
المقادير
انا عملت نص المقادير بس علي قدنا
كوب ونص دقيق
بيضة
3\4 كوب سكر بودر(انا عملت نص كوب ومعلقة ممتلئة كبيرة)
3\4 كوب زبد(انا استخدمت 1\2 كوب سمن و1\4 كوب زبد)
1\4 ملعقة صغيرة بيكنج بودر
ذرة فانيليا
1\2_3\4 كوب نشا(انا استخدمت 1\2 كوب و معلقة صغيرة ممتلئة )
الطريقة
في الخفاق الكهربي ضربت الزبد جيدا ليصبح كالكريمة
ثم ضفت السكر البودر مع الاستمر ار بالخفق لتصبح كريمة
في طبق عميق اخر اضرب البيض والفانيليا جيدا
ثم اضيف البيض الي الزبد واضرب جيدا
وبعدها اضيفت النشا وضربتهم بالمضرب كويس
نخلت الدقيق مع البيكنج بودر وبعدها ضيفته لخليط الزبد
وماشاء الله الخليط ماكنش محتاج لاي قطرة لبن
بس ان احتاج لبن معاكي ضيفي القليل من الحليب
ولحد العجين مايبقي طري معاكي ومتماسك برضو
مش جامد طبعا المهم بعدها دخلتها ماكينة البيتي فور
وشكلتها بالصواني
سامحوني لو الصور مش واضحة
بس حبيت اوريكم اني غيرت الشكل
ودخلتها الفرن 180 درجة لمدة عشر دقايق تقريبا
لحد مايحمر اسفله كده ويبقي لونه ذهبي
انا شكلته باشكال البيتي فور قولت اغير شكله
وكان الطعم رائع وناعم اوووووووووووووووووووووووووووي
تسلمي حبيبة قلبي ياامولة ربنا يجازيكي يارب كل خير
والطبق ده بقي لاول رد
ويارب تعجبكم يارب ومعلش لو كنت طولت عليكم
الروابط المفضلة