فكرت ........
اني اعمل تورته جيلي وفعلا قمت عملت الكيكه ومقاديرها هي :
1ونص كوب سكر
3 معالق سمنه او قشطه
4 بيضات
معلقه صغيره فانيليا
1 كوب لبن
3 كوب دقيق
باكو بيكنج بودر
الطريقه :
1- يضرب السكر والسمنه
2- نضيف البيض ثم الفانيليا
3- نضيف اللبن
4- نضيف الدقيق شويه شويه ثم البيكنج بودر
ثم تصب في صينيه مدهونه سمنه ومرشوشه دقيق
وتدخل الفرن في درجه حراره 180درجه لمده 30 دقيقه تقريبا
نسيت اقولكوا لازم نشغل الفرن اول لما نبدأ نعمل الكيكه عشان يكون الفرن سخن وبعد ال30 دقيقه نفتح بشويش ونختبرها بالسكينه ولما نقفل الفرن لازم نقفله بشويش
ودا شكلها لما طلعت...
وقمت تاني يوم من بدري عشان اجهز التورته
فقسمت الكيكه طبقتين
وعملت الجيلي وصبيته في الصينيه ودخلته التلاجه ودي صورته في التلاجه
وبعدين لما الجيلي بقى جامد طلعته وحطيت عليه اناناس وشويه جيلي كمان ودخلته التلاجه وبعدين طلعته وحطيت عليه طبقه الكيكه الاولى وسقيتها بالجيلي ودخلتها الفريزر........
وقلت محدش يفتح الفريزر عشان الكيكه جوه
والمفاجاه
هنا اختي (hana98) فتحت الفريزر واخدت منه حاجه وتركته مفتوح وانا لسه ببص على الفريزر
لقيت الانهياااااااااااااااااار
التورته وقعت من الفريزر اتدشدشت بقت فتافيت والطبق البايركس بقه سناتيف وفتافيت
واسيبكم انتوا تتوقعوا رد فعلي ............
وبعد كــــــــــــــــــــل ده
كان باقي عندي طبقه الكيكه التانيه وباقي الجيلي والكريمه اللي كنت مجهزاها والفواكه كمان
فقلت لازم اعالج الامر ..........
قطعت الكيكه قطع متوسطه وحطيت نصها بالطبق المدور الغويط وسقيتها بالجيلي زي الصوره
وبعدين حطيت طبقه من الكريمه وطبقه من الفواكه وعليهم طبقه من الكيكه وسقيتها بالجيلي وبعدين طبقه كريمه وعليها طبقه فواكه وعليها طبقه كيكه وسقيتها بباقي الجيلي ودخلتها التلاجه حوالي نص ساعه او ساعه لحد لما الجيلي جمد
وطلعتها زوقتها بالكريمه وشويه رمان لزوم الشياكه ودي الصور النهائيه
و
ودول من الجنب شوفوا شكلها ايه
✿* حلى متميز*✿تورته الجيلي بس ..........
رد مع الاستدلال
كتبت بواسطة النرجس الغالي
اعذروني لغيابي 
*
*
الروابط المفضلة