✿* حلى متميز*✿الذ واطعم واسهل بسبوسة محشية بالقشطة من مطبخي وبالصور
اهلين حبايبي كيف حالكم ..
إن شاءالله بأتم صحة وعافية...
حبيبت انزلكم طريقة بسبوستي اللأكثر من رائعة وبشهادة وحدة مصرية يوم ما
داقتها قالت (مين إلي عامل البسبوسة التحفة دي ) طبعا انا مين قدك ياعم
امشي وانفخي ريشك على طول مافي ثواني قلتلها انا
بجد عجبتها بالعافية عليها وعلى إلي اكلها وجربها ولسة حيجربها
والسبب إلي حمسني وخلاني انزلها ......
من كتر (فراولاية جدة )واهلها ماداخوا عليها ولهم اسبوع وهما كل يوم يعملوها...
ترى لا تشوفوهم ماراح تعرفوهم من إلي صار فيهم بسبب البسبوسة ...
وهادي فراولايةبتحاول تنزل الكيلوجرامات إلي زادتها من اكلها للبسبوسة
نبدأ بالمقادير .......
(انا استخدمت كاسة الجبنة كمعيار)
1 ك سميد
1 ك سكر
1 ك حليب نيدو
2 علبة قشطة تاج
1/3 كوب زيت
ملعقة شاهي بيكينغ بودر
كل هادول تخلطيهم بالملعقة الى ما يتكون معاكي خليط وراح نشوف الصور
بعد كدة جيبي صينية ادهنيها زيت وحطي نص كمية الخليط إلا عندك
وبعدها جيبي القشطة الطازجة وحطيها في الوسط بينهم بدا الشكل عشان يسهل عليكي تسويتها
دحين ادهنيها مظبوط
وبعدها نحط باقي الخليط إلي فضل معانا
وتكوني قيدك مشغلة الفرن على 350 (فرني كهرباء) وماتاخد وقت من 1/3 ساعة إلى نص ساعة مو اكتر ومن يوم ما تطلع من الفرن على طول صبي عليها الشيرة
والخطوة المهمة إنك بعدها تغطيها بالقصدير وتسيبيها من 5 لي 10 دقائق وبعدها اكشفيها وقطعيها وكليها
رد مع الاستدلال
[
كتبت بواسطة اخت المحبه
الروابط المفضلة