✿* حلى متميز*✿افتحي فرع يسنابون في بيتك ....
انا مرة احب السينابون وجربت كذا طريقة وكلها والله طعمة لكن مو زي المحل ابدا
بس دا السينابون صراااااااااحة ماتفرقي بينو وبين المحل نفس الطعم
وكلو شغل بيت حتى الصوص شغل البيت <<< فضاوة
ماطول عليكم
انا اخدت العجينة حقت ام الاضخم جزاها الله الف خير ومررررة طعمة الصراحة زي حقت السينابون ليست هشة ولكن لينة
واخدت الصوص من العضوة ام حياتي جوري وكانت نتيجتو جدا رائعة بس انا قلك بدي اخففو شوية وزودت حليب الا سار سايلعشان كدا في الصورة راح تشوفوه سايل شوية بس طعمووو رهيب زي حق السينابون
ههههه لاكون طفشتكم بكتر الهرج
ماعلينا نخش في المقادير والطريقة والصور
مقادير العجينة :
3م ص خميرة
كاس حليب دافي
نصف كاس سكر ناعم
ثلث كاس زبة طرية
م ص ملح
بيضتين
4كاسات دقيق
الطريقة
نخلط الخميرة مع شوي ماء دافي وشوي سكر تقريبا م ص سكر
نخلط الحليب مع الزبدة والبيض والسكر والملح بالخلاط الكهربائي
نضع الخميرة والخليط السايل على الدقيق ونعجن زييييين اقل شي تعجني 10 دقايق عشان تعطيكي نتيجة حلوة
وخليها تختمر ساعة كاملة
هنا بعد ماختمرت
في دي الفترة نحضر الصوص
انا سويت 4 انواع صوص
اول شي الصوص الابيض
المقادير:
2 دريم ويب
1 فنجان حليب بارد
8 جبنة كيري او نص علبة جبنة فيلاديلفيا
ملعقة كبيرة سكر مطحون
فانيليا ملعقة صغيرة
1 ملعقة صغيرة زبدة لينة
ملعقة صغيرة بيكنج بودر ودي فكرة العضوة ام جوري عشان يسير الصوص منفوش زي حق السينابون
الطريقة:
اخلطي الدريم ويب جيدا لين يصير كريمة ثقيلة وحطي الكيري ولازم الكيري تكون لينة مو باردة انا احطها في صحن وفي المايكرويف بس عشرة ثواني عشان اقدر اخلطها بخلاط الكيك
وحطي باقي المقادير واخلطي
الصوص الثاني صوص الشوكولاتة
ربع كاس حليب
ثلاث ارباع كاس سكر مطحون
3 ملاعق كبيرة شوكولاتة بودرة
ربع كاس شيرة البانكيك
في قدر اخلطيهم كلهم وعالنار لين يغلي خمسة دقايق خليه يغلي وانتي تقلبي ممكن مايبان انو بيغلي المهم لمن تحسيه سخن مرة خلاص وتشوفي فقاقيع بسيطة من الاطراف تعرفي انو بدا يغلي وانتبهي عليه لانو لو فار وانتي بعيدة عنو راح يرتفع ويعدملك المطبخ زي ما سار معايا
وعلى فكرة الصوص دا قريب جدا من هيرشي
الصوص التالت صوص العسل وزي مايقولو دا سر محلات السينابون اخذتو من العضوة امل وجدا رائع
المقادير
نصف كاس شيرة البانكيك
ربع كاس سكر بني+2
2م ك زبدة+
ملعقة صغيرة قرفة
وتذوب جميعها على النار لين تغلي وبرضو تغلي قرابة دقيقتين بعدين طفي عليها
الصوص الرابع صوص التوفي وطعمو قريب لطعم صوص التوفي في محل السينابون لذييييذ جدا وهو من اختراعي
ربع فنجال سكر يذوب عالنار
علبة حليب نستله الصغيرة الحجم النونو
نصف مقدار الخلطة البيضا الي سويناها اول
الطريقة
يذوب السكر عالنار ثم يوضع عليه الحليب المركز مع القليب المستمر حتى لا يحمد السكر ولا تخليه عالنار عشان لا ينحرق
رد مع الاستدلال
مدونتي مطبخ ام مرمر و ليلو
اعذروني لغيابي 
*
*
الروابط المفضلة