السلام عليكم أخواتي
الموضوع ده هيكون مشاركة لأختى حنان ليبيا في موضوع التورتات وكمان تكملة لموضوعاتى السابقة عن تزيين التورتات
الموضوع الأول
http://www.lakii.com/vb/showthread.php?t=542587
الثانى
http://www.lakii.com/vb/showthread.php?t=544134
الثالث
http://www.lakii.com/vb/showthread.php?t=544854

وده إن شاء الله هيكون الجزء الرابع
التزيين بالجيلي



شوفوا بقى ياحلوين
التزيين بالجيلي بيكون ب 4 طرق
الشغل بيه وهو في حالة سائلة تماما وده لو هتصبيه في قعر الصينية اللي هتشتغلي فيها وتقلبيه بعد وضعها في حمام مائي

يعنى بنعمل كيكة في الصينية
خلصنا الكيكة نغسل الصينية ونعمل الجيلي عادي بس دايما يفضل انك تقللي السائل شوية عن اللي مكتوب على العبوة ده بشكل عام لما تستخدميه للتزيين عشان يطلع ماسك نفسه
بعد ماعملنا الجيلي نصبه في الصينية وعلى التلاجة لحد مايتماسك تمااااااما
نقسم الكيكة نصين نضع نص على الجيلي وطبقة كريمة وطبقة الكيكة التانية
ونحط الصينية للحظات في حمام ماء ساخن او ثانيتين على الغاز ونقلب في طبق التقديم
بتطلع عندك تورتة سهلة جدااا وشكلها تحفة
وفي ملحوظة بقى من خلال عملي لهذا النوع من التورتة
أولا قبل ماتحطي اول طبقة من الكيك على الجيلي إدهنى وجهها المقابل للجيلي بطبقة خفيفة من الكريمة البيضاء الحركة ده بتظهر لون الجيلي أكتر وبتخليه أروع في للمعانه
بخلاف لو كان لون الكيكة هو اللي باين تحت الجيلي مباشرة بيطفي لون الجيلي شوية خاصة لو كانت الكيكة غامقة
كمان ملحوظة لو تضيفي معلقتين تلاتة من الجيلي نفسه للكريمة اللي هتحشي بيها التورتة بيطلع عندك تناسق الوان جميل
شوفوا التورتة ده عملتها من زماااااااااان وانا لسة مبتدأة في هذا النوع عشان كده مخربطة شوية بس إن شاء الله توضح الفكرة
والله عملتها كتييييييييير بعد كده بس بكسل أصور


نرجع لموضوعنا
الحالة التانية اللي بنستخدم فيها الجيلي هي حالة صابون المواعين يعنى بنحطه في التلاجة لحد مايبقى قوامه زي صابون الفيري بتاع المواعين وده لو عايزين نصبه هلى وجه التورتة بحيث تكون الأطراف محددة بالكريمة
شوفوا الفكرة واضحة في التورتة ده

والجاتوه ده

في الحالتين صبيته وهو في قوام الفيري
لأنه لو قل عن كده وكان سائل أوي بينزل من الجوانب ويخرب شكل الكيكة
ولو زاد وكان ماسك أوي مش هيدينى الشكل الشفاف ده وهيكون فيه كلاكيع محدش يدق على التعبيرات إحنا أخر الليل والواحد مخلللللللللص
الحالة التالته
يكون الجيلي في قوامة العادي اللي بناكله وده ممكن نقلبه في بعضه كويس ونحطه في كيس التزين القمع ونشتغل بيه بيبقى حلو أويييييي للأسف عملها مرة في تورته بس صورها راحت
كنت عاملة جيلي أحمر وأصفر وبقيت أعمل خط أحمر جنبه خط أصفر وطلعت روووووووعه

الحالة الرابعة نستخدمه بعد مايتماسك تماما
وده لو عايزين نعمل منه أشكال نزين بيها شكل وردة دايرة مربع قلب بنعمله في صينية مسطة بحيث يكون سمكه مش كبير يدوب 1 سم ونقطعه باستخدام قطاعات بالأشكال اللي عايزينها
هنا عملت دايرة ده كان من زماااااااااااااااان أكتر من سنتين

[[IMG]http://www.lakii.com/img/all/Mar09/UsGpMD03111636.jpg[/IMG
ولازم ومهم جدا في الحالة ده إنى أكون مقلله مقدار السائل مش بس شوية لأشويتيييين يعنى ياريت لو يقل للنص
عشان نقدر نتحكم فيه كويس



مش عارفة لو في حاجة نسيت أقولها ولا لأ
لو إفتكرت حاجة تاني هقولهالكم

كده خلصنا شرح ندخل على الصور بقى وهي مجمعه من النت عشان تديكم أفكار جديدة ولو في حد عجبه حاجة ومش عارف بتتهمل إزاي يقول أنا هرقم الصور عشان السؤال يكون برقم الصورة أوكيييييييييييييييييي

ومبدئيا هقول على كل صوره الحله اللي بنستخدم فيها الجيلي بتكون إيه

1


الجيلي الغامق معمول بقوام متماسك بواطة قمع
والفاتح قوام الفيري بتحطيه في كيس وتهملي في الطرف فتحة صغيرة وتعملي نقط بالجيلي كبيرة شوية وهي بتفرش كمان شوية تديكي الحجم المطلوب



2


3



4



2و3و4 قوام متماسك بالقمع مع إختلاف لون الجيلي

5


6


5و6 قوام الفيري بنحدد الأول الكريمه وبنصب بداخلها

7


قوام الفيري بنحدد الكريمة كلها ونثب بواسطة ملعقة في الفراغات
وانا عملتها قبل كده شوفو تورتتي الأمورة ده


8


قوام الفيري نحط شوية بمعلقة ونفردهم بضهر المعلقة وحبة كمان جنبهم ونفرد بضهر المعلقة دايلر مايدور ع الكيكة
والنقط ده بكيس فيه ثقب صغير

دول بقى هدية وكله قوام الفيري وفي كيس وايدها رسم
9


10


11


12


13



يألواناااااااااااااتك

وده كمان حلوة بقوام الفيري


تعببببببببببببببببت
كفاية كده ولو فيه أفكار أو صور جديدة إن شاء الله هجيبهالكم
بس دعواتكم ياحلوين لي ولزوجي وعموري بالهداية والصلاح

ماشاء الله عليكي تسلم ايديكي والف هنا يارب

ما شاء الله عليك اختي

ما شاااء الله
صراحة المعلومات قيمة جدا ومفيدة
الله يجزيكي الف خير يارب

موضوع رائع
افكار جميله ومبهجه للعمل بالجيلى
شكرا لك

والله انك مبدعه ما شاالله عليكي ،، بس انا ما بعرف اساوي متلك انا صفر قدامك ياريت لو اكون مبده متلك اه يا ريت

روعة ما شا ءالله
تسلم الأيادي و الشرح الوافي

ألف شكر يابنات على كلامكم الحلو
ويارب الملف فعلا يكون مفيد ليكم ولو شيء بسيط

ماشاء الله ملف جميل جدا ومفيد
تسلمى يا قمر على المعملومات الجميله

ما شاء الله عليكي فنانة و معلوماتك حلوة بس عندي سؤال علشان يكون الجيلي قوامة زي الفيري بنحطة في التلاجة شوية و اد اية كدة و لا بنسيبة برة لغاية ما يجمد شوية و تسلمي يا جميل