السلام عليكم ورحمه الله وبركاته

تورته الايس كريم




المقادير
لصينيه مقاس 26
6 علب ايس كريم بودر (2 فراوله -2فانيليا - 2 شيكولاته)- كيك اسفنجى للقاعدة - لبن - 3 مغلفات كريم شانتيه بودر- 2 باكو كريم كراميل بودر- شيكولاته مبشورة للتزيين - كريز - مكسرات

دة نوع الايس كريم اللى استعملته




الطريقه

نبطن الصينيه بورق الزبدة من القاع والجوانب
نبدا بتحضير اول طبقه من الايس كريم ....بالفراوله
نخفق محتويات علبتين ايس كريم فراوله مع كوب ونصف لبن الى ان يصبح قوامه مثل الكريم شانتيه
(ملحوظه : مكتوب على العلبه ان المحتويات تخفق مع كوب لبن او ماء ...يفضل تقليل كميه اللبن الى ثلاث ارباع الكوب حتى يكون كثيف ولا يتكون فيه بللورات ثلج ويظل متماسك عند تقديمه)
نصب الايس كريم فى الصينيه ونساوى الوجه جيدا وندخلها الفريزر تجمد لمدة ساعتين

نحضر الطبقه الثانيه ....بالفانيليا
بنفس الطريقه
انا خلطت معاها فواكه مسكرة وممكن تستغنى عنها
طلعى الصينيه من الفريزر وصبى فوقها الطبقه الثانيه وساوى الوجه جيدا ودخليها تجمد

حضرى الطبقه الثالثه ...بالكاكاو
بنفس الطريقه وضعيها فوق الطبقه السابقه وضعى فوقها طبقه الكيك الاسفنجى واضغطى عليها برفق
دخلى الصينيه الفريزر 4-5 ساعات

طلعيها من الفريزر
اقلبيها
انزعى ورق الزبدة من عليها وبكدة هاتكون طبقه الفراوله هى اللى فوق
حضرى الكريم شانتيه بالطريقه المدونه على العلبه
اقسمى الكميه نصفين
نصف اضيفى له بودرة الكريم كراميل واخفقيه جيدا هاتلاقى لونه اصبح اصفر
والجزء الثانى اتركيه ابيض
ادهنى وجه التورته بالكريمه الصفراء وزينيها بالشرائط بالكريمه البيضاء باى شكل تحبيه على حسب ذوقك وابداعك
وجملى الوجه بالشيكولاته المبشورة والبندق
جملى الجوانب
اما باصابع البسكويت مثل الموضح فى الصور
او شيكولاته فيرميسيل او مكسرات مفرومه على حسب رغبتك
دخليها الفريزر تجمد لحين التقديم

ممكن تلونى الكريم شانتيه بقليل من بودرة الجيللى لاعطاء لون روز خفيف ونكهه الفراوله

التزيين والشكل النهائى فيه مجال واسع لابداعك

وادى الشكل النهائى لها







ودة شكلها من الجنب موضح ترتيب الطبقات






جربوها ...هاتعجبكم جدا

ملحوظه: هذا اسمى فى منتدى اخر

بسم الله ما شاء الله عليك

شغل مرتب و منظم ما شاء الله عليك و على ايديك

ربنا يبارك فيك

و كل عام و انتي بخير

كل عام وانت بالف خير
ميرسى حبيبتى
كللك ذوق
نورتى االموضوع

تسلم الايادي

تسلمى لى حبيبتى

يمكنك ان تعدلى وتبدلى ترتيب الطبقات على ذوقك كل مرة
او ان تستخدمى انواع اخرى من الايس كريم (مانجو - فستق - اى نوع تفضليه)
وفى كل مرة ستشعرى ان التيجه مختلفه
ويمكنك ان تختارى تزيين التورته بكرات من الايس كريم صوص الشيكولاته والمكسرات

مجال التزيين مفتوح لمخيلتك لتبدعى فيه

ما شاء الله ...تسلم ايدك حبيبتى و كل سنة و انت طيبة

ماشاء الله يسلمووو

كتبت بواسطة نور تقية

ما شاء الله ...تسلم ايدك حبيبتى و كل سنة و انت طيبة

تسلمى غاليتى
كل سنه وانتى بالف خير

كتبت بواسطة هنوها

ماشاء الله يسلمووو

تسلم لى عيونك الحلوة

كتبت بواسطة ليبيا قلبى

الله يعافيكى حبيبتى

شكرا لكم