غريبه بالتمر والفستق
كل عام وانتم بخير جميعا
كل عيد بكون نشيطه وبعمل كعك ومعمول
بس هالعيد قلت تغيير مش حعمل لان ما في احد يأكل
طبعا ما قدرت اقاوم بنوتي وهي تقول معقوله ما في كعك
حزنت وقلت يا رندوش حرام عليك شو ذنبها هالبنوته
لازم نعمل كعك بس ما في وقت قررت بعد تفكير وتمحيص
ان اعمل شي بتحبه بنوتي حتى تاكله لوحدهااااااااااااا وما يكون
مصيره انا اللي آكله وأزيد شي 4 كيلو بالعيد بيعين الله
حكيت قصة حياتي
يلا ندخل على الموضوع احسن
غريبه بالتمر والفستق
بس بصراحه رائعه بمعنى الكلمه
المقادير
1كوب سكر ناعم -2كوب زبده او سمنه -4كوب طحين منخول مع ذر ملح
تمر معجون بالفانيلا فقط
فستق حلبي مدقوق للزينه
الطريقه
نخفق السكر والزبده جيدا حتى يبيض لون الخليط
نضيف الطحين كوب بعد كوب حتى تصبح عجينه
ما تزودوا كتير بالطحين ممكن نصف كوب فقط اذا احتاج الامر
نترك العجينه بالثلاجه مدة ساعه ترتاح وتمسك الزبده
ثم نشكلها اما شكل كوره ونحشيها بالتمر
ونمررها على الفستق
او على شكل اسطواني ونحشيها ونمررها على الفستق
ونقطعها مكعبات
وزاد عندي عملته غريبه على حرف s اسم بنوتي
او شكل الغريبه العادي
ندخلها الفرن على حراره 180 مدة ربع ساعه تقريبا
بس ما تعملوا زيي وتتركوها تحمر
لان الغريبه لونها ابيض
كعك السريع
المقادير
نصف كيلو طحين -نصف كيلو سميد - 1كوب زيت ذره
1كوب حليب سائل 200 غرام زبده قليل من ماء الورد
والزهر 1باكو بكنج باودر -قليل من المسك المطحون
الطريقه
نخلط الزبده والزيت والحليب والماء الزهر
ثم نضيف الطحين والسميد والبكنج باودر ويعجن
ثم يقطع ويحشى بالتمر ويشكل بالقالب
ويخبز بفرن 180 درجه حتى يحمر قليلا
ثم يترك يبرد ويقدم
وتترك تبرد وتقدم صحه وهنا يا رب
كل عام وانتم بخير وتقبلوا مني هالضيافه
رد مع الاستدلال
[
الروابط المفضلة