يا بنات عندى روح موز و روح برتقال قولولى ممن اعمل بيها ايه من بسكوت العيد لو عندكوا وصفات لانى اول مره استخدمهم
و عيد سعيد عليكم جميعا

حبيبتي ممكن تحطي روح البرتقال قطرات بسيطه فبسكوت البرتقال
هيعطيها طعم مميز ولو عايزة المقادير انا فالخدمه

يا ريت يا حبيبتى بس احطها مع العصير و الا بديل للعصير

http://www.lakii.com/vb/showthread.php?t=509369
ده الرابط بتاع حلويات العيد هتلاقي فيه بسكوت البرتقان
انت ممكن تستغني عن العصير بروح البرتقال
وبدل العصير تستخدمي لبن
لكن لو استخدمت العصير والروح هتعطيك طعم مميز جداا
يعني نصيحتي لو توفر البرتقال
تستخدمي العصير والروح وبشر البرتقال
وبالعافيه

بسكوت البرتقال
نص كيلو دقيق
ربع كيلو زبده
نص كوب سكر بودرة
نص باكو بيكنج بودر حوالي ملعقه كبيرة الاربع
عصير برتقاله وبشر برتقاله
بيضه
نعجنهم ونحطهم في كيس حلواني ونختار القمع المشرشر
ونشكلهم
ندخلهم الفرن 180 درجه حوالي ربع ساعه من تحت وعشر دقايق من فوق دي المقادير علشان متحتاسيش

السلام عليك
اختى وبابى اذا تكرمتى
الكيلو دقيق كم بالكوب العادى
وكذلك السمن
الكيلو كم بالكوب العادى

شوفي هوه صعب شويه لاني مش عارفه الكوب عندك حجمه قد ايه
لكن بكوب الماء الي عندي
كيلو الدقيق يعمل 6 اكواب
والزبده الكيلو يعمل اربع اكواب
اتمنى يكون الكوب عندك مقارب للحجم

كتبت بواسطة wbaby

شوفي هوه صعب شويه لاني مش عارفه الكوب عندك حجمه قد ايه
لكن بكوب الماء الي عندي
كيلو الدقيق يعمل 6 اكواب
والزبده الكيلو يعمل اربع اكواب
اتمنى يكون الكوب عندك مقارب للحجم

عفوا مروه لتدخلى فى موضوعك

طيب اختى وبابى هل تقصدى بالكوب العادى الكوب الذى على اليمين ام الذى فى المنتصف ام الج
وشكرا كثيرا كثيرا




http://img103.herosh.com/2009/09/14/933016601.jpg

اهلا بيكى يا حومانه و كلنا بنستفيد متهيالى انه المج لان اللى فى النص عندك صغير
شكرا يا وبابى

اخر واحد المج هوه ده تقريبا قريب
من الي بعاير فيه
عموما ياقمر انت هاتي كيلو الدقيق وقيسي يعمل كام كوب
والزبده او السمنه كمان لو عندك ميزان اوزني كيلو وشوفي المج هيجيب كام كوب
علشان بس الحلويات والبسكوت بالذات المعايير فيه مهمه جدا