السلام عليكم ورحمه الله وبركاته

اخواتى الاعزاء كل عام وانتو بخير
اللهم تقبل صيامنا وقيامنا فى هذه الايام المباركه

فى اسئله كتير عن نوع السمن المستخدم فى الكحك او الغريبه والبسكويت
انا هجواب هنا مش فى الملف علشان كل البنات تستفيد

طبعا ما فى احسن من السمن الحيونى الابيض او الجاموسى
واللاصفر البقرى
هوضح الاتنين

لان النباتى بيعمل مشاكل صحيه كتير لما فيه
من زيوت مهدرجه واشياء اخرى

السمن البلدى

السمن نوعه حيوانى مش نباتى (سمن بلدى)
زى فرن او البقره الحلوب او المراعى
انا استخدمت زبده فلاحى من مصدر موثوق منه مش السوبر ماركت
لانها هناك مغشوشه
انا بجبها من محافظه الشرقيه ودى صورتها

ده شكلها فى الاول
وبحطها على نار هادئه مع التقليب

ومع الاستمرار فى التقليب حتى تصل الى

بعد ما تبرد بعبها فى برطمنات زجاج معقمه وبخزنها سنوياا
واخذت منها مقدار الكحك

فى مصر ممكن تستعملى الزبده الصفراء المستوره وتقومى بنفس الخطوات السابقه
مع الحرص فى التقليب لانها سريعه النضج من البيضاء
او سمنه فرن او البقره الحلوب او سمن مصر للالبان

ودى طريقه

الزبده الصفراء

نضعها على نار هادئه مع التقليب الجيد
حتى يتبخر منها اللبن تماما
وبيكون لونه اصبح احمر خفيف
بتخاخذى السمن ولا تاخذى ما فى القاع
بنسميها فى مصر مورته
وللامانه قبل ما انزل الصور جربتها فى الكحك
وكانت النتيجه رااااااااااااااااااااااااااااااائعه جداااا

كده ممكن تستعمليها مباشره على الكحك او تجميدها فى الثلاجه
للغريبه

وقبل ما تسيح تستعمليها فى البسكويت والبتيفور
وسعرها فى مصر حاليا مناسب جدااااااااااا
تقريبا ب 18 جنيه الكيلو
ممكن تخلط السمن النباتى مع الحيوانى
او تستعملى نباتى
حسب امكانيتك بس الطعم هيختلف كتيرررررر

لو حسبتيها صح

انا النهارده عملت كيلو ونصف دقيق بالذبده الصفراء
وضعت كيلو الزبده على النار بعد القدح
اخذت كل السمنه الا تقريبا كوب الا ربع
تكلفت الكيلو تقريبا حوالى 18 جنيه محشى ملبن
والكميه بعد الخبز اصبح 2.750 كيلو جرام
للكيلو ونصف دقيق قبل الخبز
احسبيها كويس قبل ما تبدى شغلك حبيبتى
هتاخدى طعم مميز جداا واحلى من المحلات
+ الحفاظ على صحتك انتى واهل بيتك وتاكلى حاجه نظيفه
مش لازم نعمل كميات كبيره
نعمل على قدناااااااااااااااااا
انا فاكره زمااااااااااااااااان ماما الله يديها الصحه كانت بتعمل
حوالى 25 كيلو كحك غير باقى التحابيش
ههههههههههههههههههههههههههه
دلوقتى بتعمل 2 كيلو بسسسسسسسسس

وكل عام وانتو باالف خير

لا تنسونى بدعواتكم فى هذه الايام المباركه

الله يباركلك يا شخبوطه ويرضى عليكى فى هذه الايام المباركه
اكيد الاخوات حيستفيدوا من المعلومات القيمه دى دمتى بود

الله يعطيكى العافية يارب
وتسلمى على المعلومات الجميلة ياشخبوطة
رائعة ياغالية وجعلها الله فى ميزان حسناتك
امين يارب العالمين

تسلمى احلى شخبوطه معلومات مفيده
وكل سنه وانتى طيبه يارب وينعاد علينا وعلى الامه الاسلاميه بالخير
وتسلمى من كل شر وربنا يتقبل منك ويجعله فى ميزان حسناتك حبيبتى

وبما انك مصريه حبيبتى عاوزه منك طريقه المنين المصرى او القراريش عارفاها

موضوع رائع بس نصيحه مهم اما تاخدى الزبده الفلاحى تاخديها من مصدر موثوق منه لان بابا السنه اللى فاتت اشترى من فلاحه كانت فى السوق و اما روح لقى انها جايبه كور تلج و لفاها بقطعه زبده بسيطه عشان تتقل الميزان و اما حاولت ماما تسيحها طلعت بايظه و هى كمان اخدت ديلها فى سنانها و جرت و ماجتش تانى و راح على بابا 150 جنيه ولا كان شكرا يا شخبوطه

بارك الله فيكى وجزاكى الله خيرا كثيرا

والله يا شخبوطه عمرك اطول من عمرى
كنت لسه حعمل موضوع عن السمنه
لان فى اسئله كتير عليها
تسلمى يا ست الكل