دى كيكه سهله جدا
وتؤكل ساقعه يعنى هاتنفع فى الايام الحر دى
نبدأ بسم الله
نشغل الفرن الاول على درجه 350
ونبدا
الطبقه الأولى
1كوب سكر
تحطيه فى الصنيه اللى هاتخبزى فيها الكيك
وتحرقيه لغايه لما يبقى كراميل
الطبقه التانيه
1 علبه لبن مكثف
2 بيض+ملعقه صغيره فانليا
2 زبادى
3 ملقه سكر
تحطيهم فى الخلاط الكاس
وتضربيهم كويس
وتضيفهم على الكراميل
الطبقه الثالثه
المعيار هايكون بعلبه اللبن المكثف
يعنى تغسليها وتعايرى بيها المقادير
1/2 زيت
1/2 لبن
1/2 سكر
2 بيض + ملعقه صغيره فانليا
1 دقيق متلخبط عليهم2 ملعقه كبيره كاكاو بودر
1 ملعقه كبيره بيكنج بودر
تحطيهم فى الخلاط وتضربيهم كويييييييييييييس
الأول السوايل والبيض
والدقيق بعد كده تحطى شويه وتضربى
لغايه لما يختلط كله
تضيفهم على الطبقات السابقه
تأكدى انك اضفتى المقدار كااااامل
ولم تتركى شئ فى الخلاط
تحطيها فى صنيه اكبر مليانه ماء ساخن ( حمام ميه)
وتحطيها فى الرف اللى فى السط
لمده ساعه او ساعه ونصف
وتتأكدى من السوا بطرف السكين
لما تطلع تسيبيها تبرد
وتمرى بطرف السكين
داير مايدور الصنيه
وبعدين تقلبيها
وبردوا قبل ماترفعى الصنيه تسيبيها ساعه فى الثلاجه
علشان ما تتقطعش منك
ودا شكلها
وبألف هنا وشفا
رد مع الاستدلال
[
كتبت بواسطة noorelhoda
الروابط المفضلة