السلام عليكم ورحمه الله وبركاته

كنت عايزه اعمل كيكه بالايس كريم لانى بحبها موووووووت ونفسى كمان اعملها لزوجى واوريه اد ايه انا شطوره

بس انا معنديش ماكينه الايس كريم

فهل هناك بديل للماكينه عشان اقدر اعمل الايس كريم ولا ايه؟؟

ارجوكم اعطونى خبرتكم ولا تبخلوا عليا

فى الانتظار...

حبيبتي هل لديك خفاق البيض الكهربائي
اذاتسطيعي ان تستخدميها ولكن تاخذ منك وقت حوالي ساعة حتى تري الكريمة ارتفعت كثير.......

بصى يا ست الكل
اعملى خطواتك عادى خالص لغايت لما توصلى لمرحلة الماكنه
وبدل ما تحطى فى الماكنه حطى عليها 1 كوب فريش كريم مخفوق
حلو الكلام
وتدخليها الفريزر
وتخرجها كل ساعه وتفضلى تلفى فيها بشكل دائرى بملعقه خشبيه
علشان تديكى الشكل المطاطى شويه
بس اهم حاجه تكون خطواتك الاولى اللى هى قبل الوصول للجهاز صحيحه علشان تديكى النتيجه المظبوطه
ولو عايزه تسالى على اى حاجه انا فى الخدمه يا جميل

فعلا ياقمر زى ما قالولك الاخوات استخدمى المضرب
وكمان المعلقه رائعه بس التزمى بالوقت زى ماقالتلك برنسيس كل ساعه خرجيها وحركيها

ما شاء الله برنسس ردت ووفت يا جميل

جزاكم الله كل خير عالردود


اما برنسس عندى ليك سؤال لو سمحتى

انا دخلت عالنت ولاقيت اكتر من طريقه لعمل كيكه الايس كريم فهل عندك طريقه تكون مضمونه لعمل الكيكه بالايس كريم
ويا ريت خطوات عمل الايس كريم بالتفصيل لانى مبعرفش اعمله اصلا
وهل الايس كريم طريقته واحده هى هى مع اختلاف النكهات ولا لكل نكهه طريقه

معلش بتقل عليكى

أأأأأأأأأأأأععععععععععععع
حرام عليكى بنوته
انت بتضحكى عليا الاول وبتجرجرينى
أأأأأأأأأعععععععععع


هههههههههههههههه

اولا ده تورته للايس كريم كنت عملتها ونزلتها قبل كده

✿* حلى متميز*✿ممنوع اقتراب اصحاب القلوب الضعيفه {تورتة الايس كريم الصح} ( 1 2 3 4 5 ... اخر صفحة)





ده هديه منى ليكى
واللى عملته فيها كان الكيكه نفسها اللى بتتباع عند الحلوانيه اللى بيبيعوا الايس كريم
حلو الكلام

تانى حاجه الايس كريم
اس كرم الحلوانيه الاساسى
او القاعده الاساسيه ليها هى

1 لتر لبن
8 اصفر بيض
250 جرام سكر
50 جرام لبن بودره
50 جرام عسل جلوكوز
50 جرام زبده
فانيليا
محسن ايس كريم لو عرفتى تجبيه

الطريقه

اضع لتر اللبن على النار وعليه ال3 مكونات 50 جرام
ولما يختلطوا مع بعض تمام اكون فى نفس الوقت بضرب الصفار مع السكر او بخفقه كويس
مع الفانيليا
وانزل على البيض باللبن الساخن لكن سرسوب
وهو بيتخفق حلو الكلام
واقووووووووووووووم مرجعاهم على الناااااااار
واقلب لغايت لما ستوى الصفار
اعرف ازاى
انى لو حطيت معلقه خشب فى الخليط وطلعتها وعملت بصبعى خط فى المعلقه اللى هى الحته المعكوكه خليط
الخليط مايرجعش يلم تانى
تبأ كده استوت
أشطات الكلام
انت فاهمه الجزء ده ولا فلتت منك
وبعد كده اسيب الخليط يهدى
وايبه فى التلاجه لتانى يوم يكمل سوا
واخفق الفريش كريم بتاعى
واضع عليه الخليط اللى بايت من امبارح فى التلاجه
واقلبهم مع بعض كويس
وادخله الفريزر
واخرجه كل نص ساعه او ساعه اقلبه بمعلقه خشب كويس بشكل دائرى علشان يعمل معايا العرق

طبعا المقادير اللى قولتهالك تفتحلك محل ايس كريم لانها كتير


انا شويه كده وافوق وادور على طريقه تانيه من غير صفار البيض الكتير ده

توتو متهيالى بعد الشرح الكافى والوافى
حتقولى وانا ايه اللى يخبطنى فى عقلى ويخلينى اعملها
ده الجاهز نعمه
بس انت وشطارتك

السلام عليكم
حبيبتى انا جبت 3 باكيت ايس كريم جاهز اللى هو ماركة دريم
و اتبعت الخطوات اللى مكتوبه على المقادير
بس نصيحة حاولى تقللى من مكيال السائل اللى مكتوب يعنى لو 200مم اعملى 150
و انا عملت كل كيس بنوع عصير فرش عشان يبقى طعمه طبيعى اكتر
يعنى اول كيس طبعا هو فانيليا يعنى ما فيهوش اى لون ولا نكهه ضربته بعصير مانجو و بقى لونه اصفر
و التانى ضربته بعصير فراوله كنت محتفظه بيها و بقى لونه احمر
و الثالث ضربته مع كاكاو باللبن و بقى لونه بنى
و بعد كد عملت كيكه اسفنجيه معتمده عندى و حطيتهم بداخلها و كان طعمها جنان
ولم احتاج الى ماكينه ولا غيره
ارجوا اكون افدتك
دمتى فى حفظ الله

كتبت بواسطة برنسس لك1

أأأأأأأأأأأأععععععععععععع
حرام عليكى بنوته
انت بتضحكى عليا الاول وبتجرجرينى
أأأأأأأأأعععععععععع


هههههههههههههههه

ههههههههه معلش يا برنسس انى عملت كده معاكى من تعارف
اكيد انا لو طلبت منك حاجه تانيه مش هتساعدينى ههههههههه

عموما الف شكر على المساعده وجزاكى الله كل خير

بس ليا سؤال اذا حبيت اعمل نفس الطريقه بس لشخصين اعمل نصف المقادير دى بالظبط

وسؤال كمان معلش استحملينى هو الفريش كريم ده هو( الكريم شانتيه )
انا حاسه انك هتسيبى المنتدى بسببى

كتبت بواسطة ام حبيبة قلبى

السلام عليكم
حبيبتى انا جبت 3 باكيت ايس كريم جاهز اللى هو ماركة دريم
و اتبعت الخطوات اللى مكتوبه على المقادير
بس نصيحة حاولى تقللى من مكيال السائل اللى مكتوب يعنى لو 200مم اعملى 150
و انا عملت كل كيس بنوع عصير فرش عشان يبقى طعمه طبيعى اكتر
يعنى اول كيس طبعا هو فانيليا يعنى ما فيهوش اى لون ولا نكهه ضربته بعصير مانجو و بقى لونه اصفر
و التانى ضربته بعصير فراوله كنت محتفظه بيها و بقى لونه احمر
و الثالث ضربته مع كاكاو باللبن و بقى لونه بنى
و بعد كد عملت كيكه اسفنجيه معتمده عندى و حطيتهم بداخلها و كان طعمها جنان
ولم احتاج الى ماكينه ولا غيره
ارجوا اكون افدتك
دمتى فى حفظ الله

الف شكر ليكى حبيبتى

وفعلا فكرتك سهله وسريعه اكتر وان شاء الله ابقى اجربها