مساء الجمال على النواعم الصايمين والصايمين بس
وحبدأ معاكوا بأذن الله مه اولى حلقاتى لحلويات العيد
وحيكون المنيو ان شاء الله
- كحك بالتحويجه والمكسرات
- كحك بالزبادى
- غريبه بتدوب وعن ثقه
- بسكوت القرفه بعشقه
- بسكوت البندق جديد وخطير
- اللانكشير
- البتيفور وعرفت اخيرا سر هشاشته مع قرمشته
والحلقه الاولى ان شاء الله حتكون خاصه بالكحك
اولا كحك التحويجه والمكسرات
1 كيلو دقيق
نص كيلو سمنه سايحه لكن مش ساخنه
1/4 كيلو مكسرات محمصه ومفرومه وليست ناعمه
1/2 كوب سمسم
1/4 م ص ملح
1 باكت خميره فوريه +1/2 م سكر
1 ونصف معلقه كبيره تحويجه
ماء ان لزم الامر
والحشو ملبن سايح على النار بقطعة زبده
الطريقه
اولا باخد الخميره ادوبها مع 1/2 كوب ماء دافىء بالسكر واتركها قليلا حتى تفور
احضر طبق كبير
اضع فيه الدقيق والملح والتحويجه والمكسرات والسمسم يعنى كل الناشف
واقلبهم مع بعض كويس بايدى
واعمل حفره فى النص
واضع السمنه والخميره واقلبهم مع بعض جيدا ولو لحتاجت اضيف الماء بضيف القليل منه اقل من كوب
يا نواعم كتر المايه ينشف الكحك
يعنى لو قدرت اعالج الموضوع بانى احط على ايدى دقيق يكون افضل علشان اقدر امسك العجينه
ده لو احتاج الامر
لكن فى الغالب والحمدلله الموضوع كان ماشى معايا زى الفل واحط الحشوه جواها واحطها فى الصاج وادخلها الفرن على 180 درجه
ثانيا الكحك بالزبادى خفيف ولذيذ وممتع
المقادير
1 كيلو دقيق
2 زبادى صغيره
2 وربع كوب زبده
1 باكو بكنج بودر
مكسرات محمصه للحشو
الطريقه
النواشف كلها على بعض
واخيرا الحفره وجواها الزبادى والزبده وتقليبه بيدى علشان ينسجم السائل مع بعضه واقلب كله على بعضه واحطه فى الفورمهوجواها بندقه او اتنين
واحطها فى الصاج وادخلها الفرن على 180 درجه
واضيفى السكر عند الاكل وبالف الف هنا
الروابط المفضلة