طلب من حبيبتى نور الهدى

**رانيا البحراوية** · 07-09-2009, 02:47 PM

بجد انا بعتبرك مثلى الاعلى فى المطبخ وبجد بحب مواضيعك جدا كلها ومتابعه

اى موضوع بتنزليه فانا لو سمحتى بطلب منك طريقه عمل بيتى فور يكون ناعم

وطعمه جميل واكيد عشان هيبقى من عمايل ايدك وتسلمى يا حبيبة قلبى

**noorelhoda** · 07-09-2009, 04:26 PM

اهلا بيكى يا رانيا تسلمى على كلامك الجميل
اخجلتينى يارب اكون عند حسن الظن دايما
شوفى انا حقيقى الايام دى مشغوله جدا جدا
ححاول انزل لك طريقه البيتى فور الناعم
ولو مقدرتش يبقى اعذرينى
بس عموما دى مقاديرى الثابته ووخداها من والدتى
شوفى انا بستخدم كوب الماء كمعيار
2 كوب طحين وممكن العجينه تحتاج لاضافه ربع كوب على حسب
ثلاثه ارباع الكوب سكر
كوب زبده تكون لينه ومش سايحه
نصف ملعقه بيكنج باودر
2 بيضه متوسطه
طريقتى
بضرب السكر وطبعا يكون بودره مع البيض والفانيليا
وبعدها ابعد المضرب تماما
فى طبق تانى بفرك الزبده بأيدى جيدا حتى تكون كالكريمه المتماسكه واضيف عليها
البيض المضروب بالسكر والفانيليا
واقلب باليد وابدا باضافه الطحين المضاف له البيكنج باودر واستخدم اليد ايضا واعجن الى ان تتكون عجينه ناعمه واشكلها بالقمع او ماكينه البيتى فور
ولو عوزاه بالشيكولاته
تشيلى معلقتان طحين وتضعى بدلا منها كاكاو بودره غير محلى

اتمنى اكون افادتك

**المجبوره** · 08-09-2009, 02:07 AM

تسلمين غالية رانيا على طلبجمن نور الهدى الطريقه علشان انا فعلا محتاجته حق العيد وناويه السنه اسوي كحك العيد ملتزماته والبيتفور طبعا
وتسلم نور الهدي على الطريقه لج تحياااااااااااتي
وينعاد عليننا وعليكم بالصحه والعافيه

**رانيا البحراوية** · 08-09-2009, 11:13 PM

متشكره اووووووووى يا حبيبه قلبى على ردك وربنا يخليكى وتفضل نور دايما لينا

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: طلب من حبيبتى نور الهدى

أدوات الموضوع

العرض