قطايف بالمهلبية

المقادير:-

• 2/1 كيلو قطايف
• 1 كوب لبن
• 1/2 كوب نشا
• 1/2 كوب سكر
• 1/2 معلقة صغيرة فانيليا
• زيت عباد الشمس للقلي

مقادير الشربات:-

• 1/2 كوباية سكر
• 3/4 كوباية مية
• عصير ليمونة
• فانيليا

طريقة عمل الشربات:-

حطي السكر والمية كلهم مع بعض في إناء على نار هادئة لمدة ربع ساعة. بعد كده ضيفي الليمون وسيبيه لمدة 5 دقائق لغاية ما يغلي، بعد كده حطي الفانيليا وشيليه من على النار وسيبيه لغاية ما يبرد.

الطريقة:-

1. اخلطي اللبن والسكر والفانيليا والنشا في إناء متوسط، ودوبيهم مع بعض، بعد كده حطيهم على نار متوسطة مع التقليب المستمر لغاية ما تغلي كويس شيليه من على النار وسيبيه لما يبرد، وبكده يبقى أنتِ حصلتِ على المهلبية اللي هتحشي بيها القطايف.
2. هاتي القطايف واحشي كل واحدة بمعلقة صغيرة من المهلبية في منتصف كل واحدة من القطايف؛ بس خدي بالك إن الحشو ده يكون في وسط قرص القطايف واقفلي قرص القطايف بالضغط عليه بإيدك، وخدي بالك إنك تتأكدي من عدم وجود أي حشو ظاهر.

3. بعد ما تخلصي حشو القطايف كلها هاتي طاسة وسخّني فيها الزيت كويس، وبعد كده اقلي القطايف على درجة حرارة متوسطة لغاية ما تلاقي لون القطايف بقى ذهبي وشيليها من الزيت وحطيها في الشربات، وبعد كده تطلعيها من الشربات وتحطيها في مصفاة علشان تتخلصي من الشربات الزيادة. بعد كده حطيها في طبق الحلويات

ما شاء الله وصفة جديدة هاجربها وادعيلك الف شكر جزاك الله كل خير

تسلمى عالوصفه الشهيه جزاك الله خيرا

يسلمو ايديكِ

رووووووووووووعه يا قلبي

مشكوووووورة

تسلم ايدك على الوصفة الجميلة

تسلم ايدك

تسلمي الف شكر

مشكوووووووووووووووره