اكيد كلنا زهقنا من الكنافه التقليديه فعمت امبارح كنافه بالمانجو
المقادير:-
كيس كنافه نص كيلو تقريبا
سمن
كوب عصير مانجو
نشا
سكر للتحليه
قطع مانجو
الاول هنعمل مهلبيه بعصير المانجو المحلى بشويه سكر نسخنه على النار و ندوب نشا فى شويه ميه ثم نضيفه للعصير بعد ما يسخن و نقلب عشان نعمل مهلبيه و نسيبها تبرد
نكون فتتنا الكنافه و اضفنا لها السمن السايح و دكينا نصف المقدار فى الصنيه كويس جدا
نحط المهلبيه فى النص و مانوصلهاش للاطراف عشان بعد كده هنحط قطع المانجو وو زبيب او مكسرات زى ما تحبى ثم باقى الكنافه و ندكها كويس عشان كده ماوصلناش المهلبيه للاطراف و الا هاتبظبظ من كل حته هههههههههه
نسيت اقولكم نكون داهنين الصنيه سمن
و ندخلها الفرن على 180 درجه لحد ما تتحمر من تحت ثم نقلبها فى صينيه اكبر تكون مدهونه او فى طبق بايركس و ندخلها تانى الفرن لحد ما تتحمر من الوجه التانى و او ما تخرج نسقيها بالشربات البارد ثم نجملها بشرائح المانجو او زى ما تحبى و بالهنا و الشفاء
اسيبكم مع الصور
الروابط المفضلة