ليالي اللبنان بث حي ومباشر من فلسطين ولعيون لبنان وحبايبه خلناه خفيف وقليل الدسم
اخ لو تعرفوا في الغيبه هاي عنكم نزل وزني اكتر من خمسه كيلوا
وهاي الشغله الوحيده الي صبرت علي فراقكم ههههههههه
مافيش أغراءات ومحفزات ومنرفزات وقدرت أسيطر على كرشي
أخ يا كرشي شو جوعان لحلوياتكم أأأأأأأأأأأأأأأأأأخ
ولعيون أم ادم جبتلكم حلى خفيف ولطيف من غير قشطه ودسم أكيد رح تستغربوا بس صدقوني كتير طيب ولذيذ جربوه مارح تندموا
بالعكس رح توفروا ثمن القشطه والكريما خخخخخخخخخخخخ
ندخل بالحلو على طول رح نعمل ليالي اللبنان ونحال نخفف متل ما حكيناالدسم
بنحتاج الى 6 كاسات من الحليب قليل الدسم + كاسة سميد وممكن أضافة ربع كاسة سكر وممكن جدا الاستغناء عنها
توضع المواد على البارد في طنجرة وتحرك جيدا ثم نضعها على النار ونستمر بالتحريك حتى يجمد الخليط ويشتد
يسكب في جاط بايركس او في زبادي حجم صغير وانا بفضل سكبه في زبادي او فناجين الشاي أجمل وانظف للتقديم
تترك لتبرد خارج الثلاجه ثم توضع داخل الثلاجه لتبرد جيدا
عند التقديم نمرر حافة سكينه على أطراف الفنجان او الزبديه ثم تقلب في صحن او طبق التقديم
ولتغليف ليالي لبنان رح أعطيكم كذا فكره خفيفه وغير دسمه وبصراحه انا جربتهم كلهم وبعملهم و صدقوني الطعم بكون ليذ جدا والاهم خفيف خاصه هلأ مابدنا حلى تقيل عد الصيام والحر
1) ممكت ان تقدم وعلى وجهها ملعقة عسل نحل طبيعي وفستق حلبي مجروش
2) ممكن عمل سكر كراميل عباره عن كاسة سكر مع كاسة ماء و قطعة ليموت غير مقشره تترك على النار حتى يشاد السكر ويصبح جامد ويتغير لونه الى الكراميل
تزين ليالي لبنان بهذا القطر مع الفستق الحلبي
3) على النار نضع القليل من مربى المشمش او اي مربى بنفضله مع القليل من الماء ويحرك حتى يمتزج الماء مع التطلي او المربى ويشتد
نضع القليل منه على الحلى ويقدم مع الفستق او المكسرات
و هنا انا قدمته بالطريقه الثالثه وللامانه كان الطعم جميل وخفيف جدا
وبالف هنا وعافيه يارب
جربوه وأنا اكيده انه رح يعجبكم جدا
وكل عام وانتوا بالف خير يارب
رد مع الاستدلال
كتبت بواسطة nnnnn_nora
الروابط المفضلة