اخواتي و عسولاتي و قمراتي
.
ازيكو يا احلى صحبة واجمل بنات يا رب تكونو تمام
النهاردة جبتلكم حلو تقليدي بس بصراحة عمري ما بزهق منه وكل الناس بتحبه
بس بلمسة جديدة و لذيذة بتضيف له طعم جديد و جميل اتمنى تعجبكم
ولو هوا قديم وانتو عارفينه عدوهاااااا بقى ومتكسفونيش
يلا نبدأ الشغل يا بنانيت
مقادير العجينة:
حوالي 4 اكواب دقيق
نصف كوب زيت ذرة
بيضتين
نص م ص ملح
م ك سكر
حوالي 1كوب حليب دافيء
م طعام خميرة نوعها حلللللو
انا كتبت حوالي لان اي عجين لا يشترط مقادير معينة من السوائل او الدقيق
لنحصل على عجينة مناسبة، لكن ثبتي مقدار و حركي الاخر يعني قولي مثلا كوب
حليب وتفضلي تضيفي دقيق بالتدريج الى ان تصبح العجينة متماسكة وملساء
وبالامناسبة انا بثبت السوائلاو قولي 4 اكواب دقيق و حركي الحليب ........مفهوم يا عسولات؟
طاااااااااايب شاطرين
مقادير الصوص :
كوب سكر بودرة
3 ملعقة زبدة سايحة
4 ملاعق ماء ساخن
رشة فانيلا
ذرة ملح
الطريقة :
نخمر الخميرة في قليل من الحليب الدافيءو رشة سكر الى ان تنتفخ و تختمر
وبعدين نخلط الدقيق مع الملح والسكر
نضرب البيضتين وياريت يكونوا بحرارة الغرفة انا بطلعهم واحطهم في مية سخنة
شوية وبعدين استعملهم، نضربهم كويس ونضيف لهم الخميرة والزيت والحليب
نضيف الدقيق الى الخليط ونعجن الى ان تصبح العجينة ملساء و طرية ومتماسكة لا
تلتصق باليد و نغطيها ببلاستيك و نسيبها تختمر في مكان دافي
وبعد ما تختمر نفرد العجين بسمك 1 سنتيمتر وربع على سطح مرشوش دقيق و
نقطعها ودي خطوة معروفةانا قطعت شوية دونات عادية وشوية قلوب لحبيبات قلبي
مخصوص ،سيبيها نصف ساعة وبعدين اقليها في زيت معتدل الحرارة غزييييير بحيث
انها تطفو على الزيت عشان يطلع لونها موحد و ذهبي وتاخد راحتها في الانتفاخ والانتفاش
و دا شكلها بعد ما قليتها
ودي القلوب
شوفو سمكها ماشاء الله منفوشة و طرية و رااااااائعة
نيجي للصوص اللذييذ:
نخلط الزبدة والفانيلا و السكر و نرفعهم على النار
نقلب باستمرار الى ان يبدا السكر في الذوبان
نقلب نقلب حتى تختلط الزبدة بالسكر و تصبح لون الطحينة او اغمق بسيط
زي الصورة
بدأ نضيف الماء الساخن مقدار ملعقة كل مرة مع التقليب بسرعة حتى تختفي
و يبقى المزيج متوسط مش سميك ولا مائي معقول كدا
نغمس وحدات الدوناتس في الصوص ونضعها في الطبق او لو عندك قاعدة سلك
و دا شكلها يا بنات
و دي القلوب بتاعتكم اتفضلوااااا
كل اللي ترد عليا تاخد قــلــب وهوا سخن و لذيذ و تاكله بسرعة و تدعيلي
صورة اقرب كمان
يارب تعجبكم و تنفذوها يا جميلات الكوون كله
الروابط المفضلة