✿* حلى متميز*✿حلى البخور بطريقة جديدة بأيادي ام المهندس..... بالصور
بسم الله الرحمن الرحيم
السلام عليكن ورحمة الله وبركاته
كيفكن حبيباتي
زمااااااااااان لي عن ركن الحلويات
اشتقتلكن حيلاااااااااااااااااااات
جايبة لكن اليوم حلى تعرفونه بس بطريقة جديدة
أنا مرة قريت عن حلى البخور
وسويته وطلع مرة لذيذ
بس تعبت شوي في تكويره
لأنه كان بالشعيرية الباكستانية والحليب المركز
فكان يلصق فايدي لمن بكوره
فجات فبالي طريقة جديدة لهذا الحلى
سويته بحيث انو يكون سهل جدااااااا
ويكون اقل فالسعرات
لأنه راح يكون بدون حليب مركز
وهذا الحليب ثقيل ويسمن
يعني افرحوا بتقدرون تزيدون كم حبة مع القهوة
بدون لا أطول عليكن
نبدأ بالمقادير:
7
7
7
كوب سميد
كوب حليب بودرة
كوب سكر
علبة قشطة
بسكوت اوريو
الطريقة:
1- نحمص السميد والحليب والسكر مع بعض على النار
الين يصير لونها ذهبي.
2- نشيلها عن النار ونحط عليها القشطة
ونخلطها الين تصير متماسكة.
3- نكورها كور صغار بهذا الشكل.
4- نطحن بسكوت اوريو بالطحانة – طبعا بعد ما تشيلين الحشوة -
5- نغطي الكور بالبسكوت المطحون بدحرجتها داخله
6- نرصها داخل صندوق يشبه صندوق البخور- أنا ما كان عندي صندوق فحطيته فصحن تقديم -
وقدميها مع القهوة
وبالهنا والعافية
والله الله بالردود
والنقد البناء اللي تعودناه منكم يا الغوالي
لا اسامح بالنقل دون ذكر المصدر
رد مع الاستدلال
الروابط المفضلة