السلام عليكم ورحمة الله وبركاته
إزيكم يا حبيباتي ...وحشتوني أوي أوي
بقالي فترة ما بكتبش في المنتدى الجميل ده بسبب ظروف امتحاناتي ...إدعولي ربنا يوفقني
الصراحة أنا من يوم ما شفت الموضوع بتاع طبقات الكيك والشوكولاتة وهو داخل دماغي أوي وقلت لازم أجرب وفعلا جربت الكيكة وطلعت جميلة
وأنا هحطلكم تطبيقي والخطوات بالتفصييييييييييييييييييل الممل أوي
بس طبعا أحب أشكر صاحبة التطبيق الجميل ماما آلاء ..وأشكر كمان اللي عن طريقها عرفت الموضوع الحنين للوطن
وطبعا لازم أشكر صاحبة الموضوع الأصلي بس للأسف أنا مش عارفة هي مين
أولا هوريكم التطبيق علشان تتشجعوا
المقادير والطريقة:طبعا أنا عملت نص المقادير بس وكانت كافية جدا فأنا هكتبلكم المقادير مش كلها لأ نصها بس
4بيضات وباكو فانيليا
ثلاثة أرباع كوب زيت عادي(يعني كوب إلا ربع)
ثلاثة أرباع كوب حليب
كوب سكر عادي
2 كوب دقيق متعدد الأغراض (زي كنوز مثلا)
1 معلقة كبيرة بيكنج باودر
للحشو: 1معلقة كبيرة كاكاو + نصف كوب سكر ناعم الحبيبات بس مش بودرة (زي سكر الأسرة مثلا)
للتزين:المفروض كريم شوكولا ...بس أنا ما كانش عندي فحطيت صوص شوكولا
الطريقة
الكيكة:
هنحط السكر والبيض والفانيليا مع بعض
ونضربهم على السرعة الأولى لحد ما يمتزجوا ويبأة شكلهم كده
وبعدين هنعلي السرعة ونفضل نخلط لحد ما يبأة الخليط لونه فاتح وكريمي بالشكل ده
هنضيف الزيت تدريجيا
وبعدين نضيف الحليب تدريجيا
وبعدين هنحط البيكنج بودر مع الدقيق ونضيفهم تدريجيا على خليط البيض
بالزبد
وده الشكل النهائي للعجينة
الروابط المفضلة