السلام عليكم ورحمة الله وبركاته
بسكويت النشادر دائما اخبزه للاولاد بيحبوه جدا لطعمه الجميل
ويا سلام لو مع كوب شاى ساعة العصارى
ومش لازم نعمله فى العيد فقط
بس اللى عمله دايت اوعى تقرب منه
المقاديـــــــــــــــــــــــر
450 جرام زبده ( طبعا المقدار ده كتير جدا بعمله حوالى 300 جرام مع نصف كوب زيت )
3 بيض
ملعقه صغيره ملح
فانليا
ملعقه نشادر مذوبه فى ربع كوب لبن دافىء
نصف ملعقة بيكنج بودر
كيلو دقيق
1/4 كيلو سكر بودره
كاكاو حسب الرغبه
الطريقـــــــــــــــه
يضرب الزبد مع السكر حتى يصبح كريمى ثم نضيف البيض مع الفانيليا حبه حبه مع استمرار الضرب ثم الملح ويليها النشادر مذوب فى اللبن ويضرب جيدا ثم نضيف الدقيق مخلوط عليه البيكنج بودر حتى نحصل على عجينه ملساء لا تلتصق باليد وتصبح سهلة التشكيل ( لا نضع الدقيق مره واحده لان العجينه ممكن تاخد الدقيق كله او اقل او اكتر) قسمت العجين جزئين جزء كما هو ابيض والجزء الثانى ضفت عليه كاكاو حتى الحصول على اللون المناسب
ونتكها فى الثلاجه 10 دقائق وفى هذه الاثناء نسخن الفرن
ونبدا فى التشكيل انا عندى ماكينه البسكويت اليدويه بتاعة زمان(مفرمة اللحمه) بعمل بيها وبتدينى نتيجه هايله
ويخبز فى فرن متوسط
ده العجينه قبل التشكيل
صينيه قبل دخولها الفرن
وده بعد الخبز
اتمنى الوصفه تعجبكم
الروابط المفضلة