السلام عليكم ورحمة الله وبركاته
اخيرا عملنا كيكة اسفنجية وارتفعت ونجحت مية مية
لازم قبل ما نشتغل يكون كل حاجة بدرجة حرارة الغرفة
ونشغل الفرن اول ما نيجي نشتغل
المقادير 10 بيضات وسط كوب دقيق كوب سكر بودرة 2 م ص بيكنج بودر
نص معلقة بيكربونات الصوديوم
الطريقة نضرب البيض بالمضرب دقيقتين كدا وبعدين نضيف السكر البودرة ونضرب ربع ساعة كدا او كتر حتي يتضاعف معاكي الحجم
وتنخلي الدقيق والبيكنج بودر والصودا مع بعض
وبعدين تضيفيهم بالبيض معلقة معلقة وتقلبي ببطء جدا علشان ما تطلعيش الهوا اللي انتي عملتي
وتدهني الصينية زيت وتصبي فيها الخليط ببطء وتدخليها الفرن علي 180
بعد تلت ساعة اختبريها بعود خلة
وشغلي الشياة علشان الوش حمر
واتركيها شوية في الفرن وطلعيها وبعد ما تبرد ذوقيها علي كيفك
احنا جربنا طرق كتير ما طلعشي معانا نتيجة كويسة
الطريقة دي ممتازة كنا الاول بنعملها من غير بيكنج بودر ولا صودا بس زهقنا بقي وقلنا نجربها كدا وطلعت تماااااااااااااااااااااام
رد مع الاستدلال
[
الروابط المفضلة