شو رايكو بها الاسم؟ الحلو؟

Lemon Yogurt Cak
كعكة الليمون واللبن

قبل فترة جابوها على فتافيت

كان يوم جمعة على ما اعتقد والساعة 9:30 بالليل

وانا كنت بها الويك اند عاملة كيكات خيرات الله ييييييييييييي وكلهم خربو الله ويكيلكو وضليتني طول النهار مكتئبة لحتى اجت بيرفوت كونتيسا وقعدت تحكي هلاء بدي اعمللكو كيكة خفيفة ظريفة وفعلا فتحت ادني ومسكت الورقة والقلم وقلت بسم الله

وعلى السريع سجلت المقادير يييييييييي وقلت فش عندي بيض

استنو عندي بيض بس بيض بلدي وزوزي كان موصيني ما استعمله ليكياتي قال هذا بيض بلدييييييييي اصلي خليه للاكل مش لكعكاتك

ييييييييييي وانا اصلا استهلكت منه 4 بيضات قلت بسامحني فيهم وللاسف ماهم الكيكلات خربو وبصراحة ما سترجيتش استعمل كمان بيض منهم فبسرعة نزلت على الدكانة اللي تحت الدار واشتريت 5 بيضات وقتها وعلى السريع بلشت الشغل على اصوله

اولا المقادير

1 1/2 cups all-purpose flour كاسة ونص طحين
2 teaspoons baking powder معلقتين شاي باكنج باودر
1/2 teaspoon kosher salt معلقة ملح
1 cup plain whole-milk yogurt كاسة لبن رايب
1 1/3 cups sugar, divided كاسة وتلت سكر مقسمين على مرحلتين
3 extra-large eggs 3 بيضات كبار
2 teaspoons grated lemon zest (2 lemons) برش لمونتين
1/2 teaspoon pure vanilla extract نص ملعقة صغيرة فانيلا
1/2 cup vegetable oil نص كاسة زيت نباتي
1/3 cup freshly squeezed lemon juice تلت كاسة عصير لمون

ياللا نبلش الشغل
ننخل الطحين مع الباكنج باودر مع الملح

وفي صحن تاني نمزج اللبن مع كاسة سكر مع البيض مع برش اللمون مع الفانيلا ونحركهم شوية شوية ومش كتير كتير....

وبعدين نضيف هذا المزيج على الطحين وبرضه نمزجهم شوية شوية

ومن ثم نضيفلهم الزيت..............بصراحة انا معرفتش ليش ضافت الزيت آخر شي ياريت اللي عندها تفسير لها العملية تحكيلي

ونصبهم بالقالب ونخبزها على راحتها .........تقريبا بتاخد من 45 -55 دقيقة

وفي هذه الاثناء بنخلط تلت كاسة العصير مع تلت كاسة السكر ونغليهم على النار لحتى يصيرو متل القطر

وبس تطلع الكيكة.....بنسقيها بهذا القطر وبنتركها تبرد

شوفو كيف طالعة بالزبط زي ما عملوها بالتلفزيون

وعملت كمان شوية بقالب الكب كيك

وبالهنا والشفا على قلبكو يارب

وبجد بتطلع روعة ومنعشة كتير بالصيف كلها لمووووووووووون
ممممممممم

ولكم تيحاتي واحتراماتي

الماسة

ام سهام واسيل

ماسة كثير بتشهي جربتها
بس مش قادرة امد ايدي بلاش اخرب الروجيم

وااااااااااو ما شاء الله شكلها بيجبنن كثير
ممكن تكون ضافت زيت ليعطي لمعة للكيكة

بسم الله ماشاءالله عليكى

وتسلمى على الوصفة الجميلة

والف هنا وعافية على قلوبكم يارب

ما شاء الله رااااااااااااائعه تسلم ايديك

تسلم الايادي يا عسل..

منظرها رووووووووووووووووووووووووعة .. بلا فتافيت بلا كتاكيت.. من دياتك طالعة بتشهي غاليتي

تسلم الايادي ويعطيك الف عافية وشكرا للشرح الوافي

ممممممممممممممممممممم
شو هادا الماسا
شكلها بيشهـــي
يسلمو ايديكِ يا عسوولة

تسلم يديك بتشهي

ممممممممممممممممممم تسلم ايدك لموووووس

اكيد بتشهي انتظري التطبيق غاليتي

يسلمو هل الايدين دودي

ما تحرمينا من ابداعاتك بروجيمك انتي اعملي وابعتي النا واحنا ما رح انقصر خخخخخ