السلام عليكم ورحمة الله وبركاته

مساء الفل والورد والياسمين
إزيكم يا قمرات ..يا رب تكونوا كلكم بخير
أنا جايبالكم انهاردة كيكة بجد حلوة أوي وسهلة كمان ..أتمنى إنكم تجربوها وتعجبكم
أولا هوريكم صورتها

بس آسفة الصور مش واضحة أوي

اللي احنا محتاجينه هو:
كيكة شوكولاتة وكاسترد وموز ..وصوص شوكولاتة (اختياري...بيتحط للشكل بس مش أكتر)

نبدأ في الشغل بأة
أول حاجة هنعمل الكيكة ومقاديرها
بس أنا هقولكم المقادير في حالة لو عملتوها في صينية كبيرة...بس أنا عملت نص المقادير بس لصينية متوسطة وأعتقد الصينية المتوسطة كميتها كافية جدا
وعلى فكرة كيكة الشوكولاته ده أنا متعلماها من الغالية لا تحزنين يللا نشوف المقادير
4 بيضات
2 كيس فانيليا
نصف كوب زيت
نصف كوب لبن(حليب)
1 ونص كوب دقيق
1 وربع كوب سكر
2 معلقة كبيرة بيكنج بودر
نصف كوب كاكاو
وزي ما قلتلكم انا عاملة بنص المقادير ده بس

الطريقة:
نضع البيض والسكر والفانيليا في طبق عميق ونخفقهم في البداية على سرعة منخفضة وبعدين نعلي على أعلى سرعة ونستتكر في الخفق لحد ما البيض يتنفش ويبأة لوني سمني فاتح
والصور هتوضح الكلام ده

هنا لما بيمتزجوا بنبدأ نعلي السرعة

هنا لما البيض اتنفش...(يعني حجمه اتضاعف)

بعد كده هنضيف الزيت تدريجيا

ثم نضيف اللبن تدريجيا

وبعدين ننخل الدقيق والكاكاو والبيكنج بودر ونضيفهم تدريجيا على خليط البيض

وده الشكل النهائي بعد ما خلصت خفق

وهنا بنصبها في صينية مدهونة زيت

وندخلها فرن متوسط مشغل مسبقا على درجة حرارة 180 ونسيبها لمدة نص ساعة..أو لحد ما تستوي ويبأة شكلها كده

بعد ما نخلص الكيكة نعمل الكاسترد بالطريقة الموجودة على العلبة (يعني هنحط لتر لبن +5 معالق كسترد كبيرة ومليانة مش أربعة + سكر حسب الرغبة أنا بحط 6 معالق كبيرة ومليانة ) ونقلبهم كويس بعدين نحط الحلة اللي فيها الكستر على النار ونستمر في التقليب لحد ما يتقل...

كده إحنا خلصنا كل حاجة

نيجي بأة لخطوات الكيكة بالموز والكاسترد
هنقطع الموز شرايح ونحطه فوق الكيكة بالشكل ده

وبعدين هنصب فوقه الكاسترد اللي إحنا لسة عاملينة ونسيب الكيكة تبرد خااااااااااااااااااااااااااااااااااااااااااااااااا ااااااااااااااااااالص وبعدين نزينها بالشوكولاتة أو صوص الشوكولاتة والخطوة ده مش مهمة خااااااااااالص ..هي للشكل وبس...وبعدين نقطعها زي ما احنا عاوزين
وأنا بالنسبة علشان أخلى التقطيع سهل
حطيت الصينية اللي فيها الكيكة والموز والكاسترد في الفريزر لمدة ساعة وبعدين طلتها وقطعتها وما قدمتهاش إلا لما دفيت خااااااااااااااااااااااااااااااااااااااااااااالص
صدقوني ...طعمها تحفة وهتعجبكم جدا إن شاء الله
يللا جربوها وقولولي رأيكم...آه على فكرة ممكن بدل ما تعملوا كيكة الشوكولاتة تشتروا كيكة جاهزة لو مستعجلين
وده الصورة النهائية

ايه شو هالحلا يا سلام سلام سلم ما شالله بجد شهيتين
بعدين انتي مسكتيني من ايدي الي بتوجعني (الكسترد خخخخخخ) يسلمو
انشالله بجربها جزاكي الله كل خير

وعليكم السلام ورحمة الله وبركاته
ماشاء الله
ايه الحلاوة دي ايه الطعامة دي

كيكة روعة تسلم الايادي ياقمر

تسلم الايادي ان شاء الله بجربها يعطيك العافيه

تسلم ايديكي شكلها بيشهي

تسلم يداك

تسلم ايديك روعة ويمىىىىى

الله علبكى با غاده
كتبر روعه
ماشاء الله
تسلم ابدك

الله يسلم اديك
رووووووووووووووعة
ربي يعطيك الصحة والعافية

ماشاء الله وتسلم الايادى