السلام عليكم ورحمة الله وبركاته
أولا بسلم على كل مشرفات و عضوات وزائرات منتدايا الحبيب و الغالي أوي أوي على قلبي
أنا قبل ما أدخل ركن الطبخ في المنتدى كنت فاكرة نفسي طباخة جامدة جدا
بس بعد كده إكتشفت إني يا دوب مبتدئة جنب إبداعاتكم و روائعكم
طبقت وصفات كتير من المنتدى و طلعت كلها تدوخ من حلاوتها
بس بجد وصفات ام شادي و نور الهدى و شهيرة كانت بالنسبة لي وهمييييييييييييييية
كنت بطبق و أنا مغمضة عنياو بطبق و انا حاطة في بطني بطيخة صيفي و عارفة و متأكدة إنها هتطلع روووووووووووعة
و طبعا بقيت في عزوماتي هاتك ألاطة على صحابي
أم شادي ربنا يحفظها لأولادها و أحفادها علمتني أعمل احلى تورت و من أول مرة عملتها جوزي قالي مفيش شرا تورت تاني من برة
ده غير السمك السنجاري و الإكلير و حاجات تانية كتير ده غير إني لما لجأت ليها على الخاص متاخرتش عليا و ساعدتني على طول ربنا يجازيها كل خير
و ام نور ربنا يحفظها لجوزها و بنتها و يخويهالها يا رب إتعلمت على إيدها أحلى بلح الشام و حشوات التورت أشكال و الوان و عرفت كمان منها الأكياس الحرارية اللي بقيت مش بستغنى عنها و حاجات تانية و اللهي بس الذاكرة عندي بعافية شوية
و شهيرة الخبيرة بقى أي حاجة بطبقها ليها بتبقى واللهي واللهي أحلى من الجاهز و لما عملت الكوكيز أصحابي مصدقوش إنها مش جاهزة بس متتأخريش علينا يا شوشو
أنا عارفة إن وقتك ضيق ربنا يعينك بس إحنا طمعانين فيك و إنتي اللي طمعتينا بصراحة بحلاوة وصفاتك
ربنا يحفظك لجوزك و أولادك و نشوفلك أشهر برنامج طبخ في الشرق الأوسط
طبقت كمان الدونات لهند و أخدته لأصحابي لما كنا في رحلة و إتمسح و مكنوش برضه مصدقين إنه بيتي
و كمان طبقت الفراخ المحشية فريك لأم المجد و أول مرة جوزي يأكل فرخة بحالها ما شاء الله و كمان لما لجأت لها على الخاص متاخرتش عني
و كمان المكرونة بالجمبري لأم مالك و كان إممممممم لذيذ على رأي بنتي
و تطبيقات تانية كتير
و بما إني كسولة جدا في حكاية إني أنزل التطبيقات دي فقلت لآزم انزل موضوع أشكركم فيه كلكم و أقولكم ربنا يجازيكم كل خير و يرزقكم بالجنة يا رب
و في الأخر ليا طلب عندكم إنكم تدعولي ربنا يرزقنا بأخ و لا أخت لبنتي
الروابط المفضلة