بسم الله الرحمن الرحيم
السلام عليكم ورحمة الله وبركاته شلونكو يا قمرات؟
اليوم جايبة ليكم حل عملي وجذري لمحبي الكيك اللي ما عندهمش فرن
كيكة الصحن والطنجرة
كيف يعني؟
يعني كيكة بتنحط بالصحن وبنخبرزها بالطنجرة
تعو نشوف كيف
ياللا مشيتو معي.........................تعالو اتفرجو كيف
اول شي نعمل الكيكة اللي بدكو اياها
وبنجيب صحون صغيرة او كاسات زي ما بدكو وبنجيب قوالب الورق الخاصيين بالكب كيك وبنحطها بالصحن والصحن بنحطه بالطنجرة والطنجرة نحط فيها مية مغليه
ونولع الغاز تحتيها على نار عالية اول خمس دقايق
وبعدين نعمله غترة وعقال للطنجرة ونغطيها ببشكير او اي قطعة قماش
بعد الخمس دقايق نهبط الغاز على الاخر ونتركها نص ساعة تقريبا
وبعدها نكشف عليها ومتل اي كيكة نغرس فيها سكينة عشان نشوفها استوت ولا لاءا
انا طلعت بدها كمان شوية عاودت غطيتها وتركتها كمان 10 دقايق
وهيها بس استوت ما شاء الله عليها بتجننننننننننن طالعة
زينتها بالحليب المكثف المحلى وقدمتها بالهنا والعافية
جبتها معي اليوم عشان ادوقها لزميلات العمل عندي
وسلامتكوو
تحياتي واحتراماتي
الماسة
ام سهام واسيل
الروابط المفضلة