بسم الله الرحمن الرحيم



فى البداية احب اقولكم انى معجبة جدا بيكم وبموضوعاتكم
وبجد بحاول استفيد منكم لانى من المبتدئات جدا فى الحلويات

انا شفت اغلب الموضوعات اللى اتكتبت عن التارت
وحبيت اجربه لانه عجبنى اوى
واحترت من كتر الوصفات واخترت المقادير اللى هعملها والطريقة
وكنت فرحانة وعمالة اصور خطوة خطوة عشان انزل الموضوع هنا
بس للاسف باظت وخيبت املى فيها



المقادير ( كانت مقادير منال العالم )
3 كوب دقيق
رشة ملح
1 كوب زبدة ( انا حطيت سمنة )
1 كوب سكر بودرة
2 بيضة
فانيليا
برش ليمون او برتقال


الطريقة بقى
انا دعكت الدقيق مع السمنة لحد مالاقيت العجينة لما باخد منها شوية
وامسكهم بايدى جامد بتتشكل لكن لما بلمسها بتتفتت ( شفت الطريقة دى فى احد مواضيع التارت )
وبعدين ضفت السكر وبرش البرتقال وعجنت
وبعدين ضربت البيض بشوكة فى طبق منفصل مع الفانيليا
وضفتهم للدقيق وعجنت
وضيفت من عندى ملعقتين لبن
وبعدين سبتها ترتاح فى التلاجة وجيت اشكلها وافردها
لاقيتها بتفتت شوية استمريت وقولت افردها وخلاص
فردتها وجيت احطها فى الصينية لاقيتها اتفتت بتبقى حتت وبتتقطع

المهم سألت ماما ايه اللى بيمسك العجينة ومايخلهاش تتفتت قالتلى المية
طبعا ماخفتش احط مية لانى شفتها برضوا فى بعض المواضيع
حطيت نصف كوباية ماء ساقع زى ماكنت قريت
وعجنتها لاقيتها طرت وبقت حلوةودخلتها التلاجة تانى ترتاح
وفردتها اتفردت عادى ونقلتها فى الصينية وشكتها بالشوكة وعملتلها اطراف
ودخلتها فرن متوسط الحرارة لاقيت اطرافها جوة الفرن نزلت ووقعت مع العجينة
قولت العبرة بالنهاية من غير اطراف مش مهم هى جت على الاطراف

خرجتها من الفرن واعهههههههههههههههه
جيت اشيلها من الصينية بقت حتت واتكسرت حتت كبيرة

طبعا طولت عليكم بس حبيت احكى فشلى مع التارت بالتفصيل
عشان تفيدونى
مع انى خصمته ويمكن ما اصلحهوش قبل سنة

ولا يهمك حبيبتي ولا تزعلي كلنا بنجرب كتييييييييييير وبنفشل لحد ما ما بنتعلم الصح انا عن نفسي بجرب الطريقة الواحدة مرة وانتين وثلاثة لحد ما تضبط معايا
وبالنسبة للتارت انا اعرف بس بصراحة مش متأكده أنه لازم زبدة في التارت مش سمنةو مش عارفه دي معلومة صح ولا لا وان شاء الله الخبيرات يجاوبكي
أم بالنسبة لموضوع هبوط جوانب العجينة لان التارت لازم يتحط عليه اي ثقل (اي نوع من الحبوب او البقوليات)علشان العجينة متنكمش والله اعلم
ومعلش خيرها في غيرها ان شاء الله

أولا أكبر مصيبة عملتيها إنك إستبدلتى الزبدة بالسمن مينفعششششششششششششششششششش خااااااااااااااااااااااااااااااااااااااااااااااااا االص
لأن التارت أساس عجينته الزبدة أو على الأقل مزيج من الزبد والسمن لكن سمن بس مش ممكن الزبدة ليها خواص تختلف عن السمن وهي اللي بتدي التارت شكل وهشاشة معينة بخلاف الكيك ممكن تستبدلى الزبدة بالسمن بس طبعا مش هيديكي نفس النتيجة بس على الأقل هتكون مقبولة

شوفي ياقمر التارت ده انا عملته بالزبدة هومش تارت بالضبط هوبيبي تارت
شوفي الصورة ده تحديدا باين أد إيه هو هش ومع ذلك متماسك
لو بتحبي بديكي مقاديره

ولو انى كده حرقت الموضوع كنت ناوية أنزله قرييييييييب

كتبت بواسطة ام هاجر2000

ولا يهمك حبيبتي ولا تزعلي كلنا بنجرب كتييييييييييير وبنفشل لحد ما ما بنتعلم الصح انا عن نفسي بجرب الطريقة الواحدة مرة وانتين وثلاثة لحد ما تضبط معايا
وبالنسبة للتارت انا اعرف بس بصراحة مش متأكده أنه لازم زبدة في التارت مش سمنةو مش عارفه دي معلومة صح ولا لا وان شاء الله الخبيرات يجاوبكي
أم بالنسبة لموضوع هبوط جوانب العجينة لان التارت لازم يتحط عليه اي ثقل (اي نوع من الحبوب او البقوليات)علشان العجينة متنكمش والله اعلم
ومعلش خيرها في غيرها ان شاء الله

متشكرة اوى على الرد ام هاجر
انا مشكلتى لما بجرب وبفشل مابقدرش اكرر التجربة تانى
خصوصا ان عندى بيبقوا مستنين نتيجة اللى بعمله
بحس باحباط وفشل
طيب والبقوليات دى بيحصلها حاجة من السخونة ولا ماينفعش نستخدمها تانى فى الطبيخ

كتبت بواسطة فراشةالربيع

شوفي ياقمر التارت ده انا عملته بالزبدة هومش تارت بالضبط هوبيبي تارت
شوفي الصورة ده تحديدا باين أد إيه هو هش ومع ذلك متماسك
لو بتحبي بديكي مقاديره

ولو انى كده حرقت الموضوع كنت ناوية أنزله قرييييييييب

ردك اكيد فادنى فراشة الربيع
وشكل التارت بسم الله ماشاء الله
وانا مش عايزاكى تحرقى الموضوع هستناكى تنزليه
بس ابقى ابعتيلى الرابط من فضلك

http://www.lakii.com/vb/showthread.p...=1#post7834690

بس شوفوا الرابط دة
هنا still استخدت السمن فى التارت وماحصلش حاجة

طيب لاحظي الفرق المقادير اللي انتى استخدمتها مفيهاش بودر لأن الزبدة هي نفسها بتدي هشاشة للتارت وده فعلا أساس عجينة التارت مفيهاش بودر
لكن في الرابط اللي وضعتيه لوخدتى بالك هتلاقي المقادير فيها بودر وده مقادير بتطلع تارت ايوه لكن هي أصلا مقادير بسكوت
التارت الأصلي مفيهوش بودر

حبيبتى انا جربت التارت للغالية نور الهدى و بجد روووووووووووووعه هبحث عن الرابط و هكتبه لك فى الرد التالى

http://www.lakii.com/vb/showthread.php?t=530273
ده رابط الاخت نور الهدى