سلاااام عليكم
اانا اصلا بحب يكون عندي دايما حلو في البيت عشان جوزي بيحب الحلو وكدا ... وكان تعبان بقاله فترة ولازال تعبان الصراحة ... المهم قلت اعمل حاجة خفيفة كدا على الماشي ... وخاصة انه بيحب الكيك ماشاء الله ... مع حاجة دافية ... بتبقى تمام اوي ما شاء الله ... والصارحة قعدت ادعبس كدا ملقتش عندي دقيق كتير ,,.. قلت اعمل بيه وخلاص ... وفعلا عايرته لقيته كوباية ونص ...قلت يا دوبك ...فقلت اعمل كيكة رخامية ... في قالب التوست ... واهي حاجة صغنطوتة ... تأدي الغرض كام يوم وخلاص ....
وفعلا عملت كيكة رخامية ...
اقولكم المقادير الاول ...المقادير دي انا دايما باستخدمها للكيك بتاعي ...وبتبقى مكا شاء الله هشة وجميلة اوي ... ومرة بعملها برتقال او قرف او شيكولاتة او اي حاجة ...
المهم بقى انا برضة ممكن اضاعف الكمية لو الصينية كبير بس الصينية دي مش كبيرة عشان كدا يعمل نص المقدار ...
نص المقدار هوا ...
تلت او ربع كوب سمنة او زيت انا حطيت سمنة
وثلاتربع او كوباية سكر عادي
وبيضتين
وضربتهم كويس
وحطيت معلقة صغيرة محسن كيك (اول مرة استخدمه)
وبعدين فانيليا
ونص كوب لبن
وكوباية ونص دقيق وعليهم معلقتين صغيرين مليانين بكنج بودر
وخلطت وكان الشكل كدا


وحطيت جزء من المقدار في الصينية كدا تلته مثلا


وجيت على جنب اخدت تلت المقدار وحطيت عليه ملعقتين كاكو خام وقلبتهم وحطيتهم فوق الخليط اللي في الصينية كدا


وجبت سن سكينة وعملت بيه تعرجات
وحطيت شوية خليط ابيض تاني وعليه شوية خليط كاكاو
وكان دا الشكل النهائي


بس
وقعدت في الفرن نص او تلاتربع ساعة تقريبا وطلعتها وقطعتها
وكان شكلها اهو



وبالهنا والشفا ...
وطعمها بجد ماشاء الله جميل
ياريت اعرف آراؤكم ... بس اعذروني التصوير مش اد كدا عشان كاميرا الموبايل مش حلوة اوي ...
وبالف هنا وشفا ...
مع تحياتي للجميع

ماشاءالله يسلم اديكيييييييييييي حبيتب النفس المطمئنة
بارك الله فيكي

مااشاء الله يعطيكى العافيه ويسلمو يا قمر

تسلم ايدك يارب كيكه شهيه

ماشاء اللـــــــــــــه
رووووووووووعه بصراحه
تسلم ايدك يا قمر

الله يعطيكى الف عافية يارب

وتسلمى على الوصفة الجميلة

والف هنا وعافية على قلوبكم يارب

تسلم الأيآدي
صرآحة تجنن

تسلم ايدكي اختي النفس المطمئنة

جزاك الله خير
ودممممممممممممممممممممت

تسلم ايديكي
روووعة
بالهنا والشفا على قلبك

ماشاءالله حبيبتي
كيكه راائعه تسلم الاياادي