سؤاااال عن محسن الكيك

سلام عليكم
اخواتي العزيزات الخبيرات ... كنت من فترة جبت محسن كيك ... هوا كريمي كدا ... بس مش عارفة استخدمه ازاي في الكيكة يعني احط مقدار اد ايه ...
ياريت اللي يعرف الله يكرمكم يفيدني ... وجزاكم الله خيرا

محسن الكيك شبه الجل الشفاف وبضيفه فى البدايه مع البيض والسكر حوالى ملعقه صغيره

محسن الكبك بضاف عالببض والسكر والفانبلبا
محسن الخبز بضاف عالدقبق والملح
اتمنى اكون افادتك

الف شكر ليكي يا ندى والف شكر ليكي يا ام نور على ردك ... واكيد افدتوني ... لاني مكنتش عارفة احطه امتى وازاي ... ومقداره يعني ... بس كدا ان شاء الله هاستخدمه ...
بس معلش لو مفيهاش تقل مني اعرف بس هل بيفرق فعلا في الطعم وبتبقى الكيك زي الجاهز ولا دا مجرد تحصيل حاصل .؟؟؟؟
وطبعا جزاكم الله خيرا على ردكم واهتمامكم ...

الكيك بالمحسن بيطلع هش وجميل شرط يضرب جيدا مع البيض وحرارة الفرن تكون مظبوطه

الفرق مش بيكون في الطعم بل في قوام الكيك بيكون الكيك طري وفتحاته متناسقة جدااااااااااا وبيفضل كأنك لسة عاملاه لفترة أطول وغالبا بينجح الكيك
يعنى نادرا ماتفشل الكيكة اللي فيها محسن
بس لاحظي ان ساعتها بتقللي كمية البيكنج بودر شوية
لو حابة بكتبلك طريقة كيكة اسفنجية وكيكة دسمة بإستخدام المحسن

ماشاءالله الصبايا جاوبوكي
وان شاء الله يطلع معك كيك ولا اروع

مشكورين والله كلكم على الرد ... وفعلا با مشرفتنا الغالية محدش قصر معايا بل بالعكس والله انا استفدت كتير منهم ... وياريت لو مفيهشا تعب عليكي يا فراشة الربيع انك تكتبيلي مقادير كيكة اسفنجية وكيكة دسمة ... يمكن يكونوا مختلفين عن اللي اعرفهم واللي بعملهم ... واكيد هاتفيد ان شاء الله
جزاكم الله خيرا كلكم ... والف شكر لاهتمامكم بالرد عليا ...

بيضات – 100ج سكر – 10ج محسن كيك – 140ج دقيق – 5ج كاكاو- 50ج ماء – 3ج بيكنج بودر – كيس فانيليا

الطريقة
نضع البيكنج بودر والكاكاو على الدقيق ونقلبهم
1- نضع فى الخلاط السكر والبيض والفانيليا والمحسن وربع كمية الدقيق ونص كمية الماء ونضربهم على سرعه عالية لحد ماتعلى ثم نضع باقى الدقيق والماء على سرعه متوسطة ثم نعلى السرعه لمدة نص دقيقة
2-نضع العجينة فى فى صينية على شكل قلب
3-ندخل الصينية الفرن على درجة 190 لمدة ساعه الاربع
شوفي أنا عملتها في صينية كبيرة وعملتها جتوه هو اللي في الصورة ده


شوفي بقى مسام الكيك شكلها ايه


متناسقة جدا ومفيهاش فتحات واسعة ومع ذلك هشة جداااا
ده غير سهولة العمل كله في نفس الإناء
وده كيكة دسمة
كب كيك دسم
150ج دقيق – 2 بيضة – 10 ج محسن كيك – 130ج سكربودرة – 150ج زبدة – 4ج بيكنج بودر – 80 ج ماء – 50ج فاكهه مسكرة
الطريقة
نضع فى الخلاط الذبدة مع السكر والفانيليا ونضربهم لحد ما يتجانسوا ويبيض ثم اضع البيض والمحسن والدقيق والبيكنج بودلر والماء واضربهم تانى على سرعه عالية حوالى 10 د وفى الاخر اضع الفواكه المسكرة علشان تتقلب كويس فى العجينة على السرعه العالية لمدة نص دقيقة
ادهن قوالب الكب كيك بالفرشاة بالسمنة وارشة دقيق
ثم اضع العجينة بالمعلقه او ممكن نضع العجينة فى كيس وقمع سادة للسهولة وانزلها فى القوالب
ادخلها الفرن على درجة 220 لمدة ربع ساعه

فراشه الربيع ارجو توضيح عدد البيض فى الجاتوه